2013年10月16日星期三

:+:+:蓮舫:+:+: (CROSS-HARBOUR)



自從番工之後..好難得閒日去飲茶...巴塞番黎後落左機...即刻第一時間接左卡卡番屋企..

 之後我地都肚仔餓丫嘛.....

一於去LOTUS飲個茶茶啦~~~


好耐冇去了...點心價錢都好似同之前差唔多~~

蛋撻仔同叉燒酥~
LOTUS的叉燒喺LONDON應該算係數一數二的美味~~!!
所以呢個叉燒酥都真係好好味~

生日要食麵麵丫嘛~~~壽星仔揀左肉絲炒麵~~

鹹水角...(有人次次飲茶都叫鹹水角..好似好不滿佢ORDER極我都未整咁丫~!!)

又係佢最愛的沙律明蝦角~

冇啦啦想食雞包仔~!!

陳大少掂都唔掂的潮州粉果~因為有芫茜丫嘛~~~(佢次次都會話...你想食咩就叫啦..食唔唒唒打包咪得囉....言下之意係..唔好逼佢食啲佢唔LIKE的東東...哼...生日大唒的..我忍~!!)

鮮蝦腸粉~~

***********************************
食飽飽番屋企同KAKA去行街~~~

之後就打算好SWEET咁睇陣電視啦.....
點知...當我仲係執番啲行李出黎時....
大少就坐喺梳化腳插左入按摩機度訓著左~~

KAKA又喺自己張床度訓到豬豬咁~~~

咩事呀你地~!!!!!!!

 

22 則留言:

  1. Haha你整嘅鹹水角一定好好味!我成日見大少想你再整,快D滿足下佢嘅願望啦!
    有時去完trip都好攰架,Kaka一定好掛住自己張床

    回覆刪除
    回覆
    1. 我地有拎埋張卡卡士啤床比佢架...不過佢係溫室狗...幾時都係在家千日好架啦~~!!
      鹹水角係好味,....不過真係整幾隻同埋整幾打都係咁上下多功夫....又唔想食得多...但係整少少又好似唔知點咁....所以我...用緊.....拖....字.....訣~~~~
      睇吓幾時佢心情麻麻....想TUM番佢先出動~!!! 哈哈哈..用鹹水角TUM老公~~~~好好笑~~~

      刪除
  2. 好耐冇係茶樓食蛋撻仔同叉燒酥...差點忘記左有呢2樣食物..好想食叉燒酥呀~

    回覆刪除
    回覆
    1. 點解唷???我屋企位大少好似小朋友咁...真係差唔多次次都係必點架~!!!

      刪除
  3. 回覆
    1. 佢去番上次去嗰間狗狗酒店唷~~~

      刪除
  4. 點心真係唔錯!!乜你連咸水角都曉-:)

    回覆刪除
    回覆
    1. 其實咸水角唔難整丫~~~~不過係我一整就會想整多D...但係又唔想食太多...真係好矛盾呀~~~

      刪除
  5. 有機會都去試吓佢哋 D 點心先!

    回覆刪除
    回覆
    1. 去啦...都OK架佢地的點心...記得要食有叉燒嘅野呀~!!

      刪除
  6. 我阿豆又係唔鍾意食粉果。不過我鍾意呀。

    回覆刪除
    回覆
    1. 咁啱嘅~!!如果我地有機會一齊去飲茶, 一定要嗌粉果呀~!!!

      刪除
  7. 涼粉子:
    ~我都好耐無飲茶. 住了外國幾耐, 間唔中都係想飲下茶, 食啲點心. 你英國個邊啲點心都唔差!!

    回覆刪除
    回覆
    1. 我小學在香港時番上午班..(又暴露左年齡..因為我小學之後都慢慢轉左做全日制~)..好多時放左學都係去飲茶.....
      有時呢...會囉囉攣好想食點心架~!!

      呢度呢...有啲酒樓點心好啦嚇人架~!!! (不過試過一次之後..唔再去咋~^_^)

      刪除
  8. 大少口味好"老番" feel, lol!
    佢鍾意食嘅都係我D同事指定我叫嗰D!

    回覆刪除
    回覆
    1. 係呀...佢話...佢唔一定要食熱氣野喎..不過係因為我少整炸炸點心喎.....佢姓賴架~!!

      刪除
  9. 我都好鍾意食咸水角呀! 次次飲茶都嗌!!

    回覆刪除
    回覆
    1. 你試吓自己整丫~~~唔難的~!!!

      刪除
  10. 我都最鍾意食潮州粉果, 飲茶一定叫.....

    回覆刪除
    回覆
    1. 我媽咪都係一定叫架~~~我番香港就會食左好多潮州粉果..哈哈哈~

      刪除