2013年10月22日星期二

:+:+:蝦王餐廳EL REY DE LA GAMBA:+:+:


其實呢餐..係我去巴塞前最期待的一餐...因為食海鮮食到飽..(我係講緊好味新鮮的海鮮啦~) 係一種好幸福的感覺呢~!!!



呢間蝦王...真係一啲都唔難搵~~



同大少行行行行去到了~~~ 因為天氣好..一於坐室外食~!!!


冰左的杯仔~~~


叫左一個GRILL SEAFOOD SET...

有呢個開邊龍蝦仔~~~


仲有呢個GRILL SEAFOOD TOWER!!!




真係一個TOWER黎架~!!
本身ORDER時..我仲想ORDER白灼蝦..(涼粉子好鍾意食白灼蝦的~!!不過待應個個係咁話ENOUGH ENOUGH同埋TOO MUCH TOO MUCH)

入面有咩呢.....次序係咁的~
龍蝦仔 - 我唔知好唔好味丫丫丫丫丫...大少食左..一啖都冇比我食~!!丫~!!!我好記仇架~!哼
魷魚 - 好味都冇朋友, 又香又軟又鮮味~~~(呢2日食得爆多魷魚丫~!!番到黎英國要食清啲~)
魚柳 - 新鮮的魚魚冇得輸啦~~~ GRILL一GRILL唔會乾淨淨~~
魚扒X2  - 加檸檬汁好味~~
大約2公斤地中海紅蝦~!! - 呢個就係重點丫~!!! 英國好少見到呢種蝦賣....佢就係我引大少去巴塞的最大籌碼了~!!!!!!!!!!!!!
2公斤烚青口仔~ (呢個一般般啦..一來係因為食到落底我地都飽了...二來...英國蘇格蘭青口仔都係又滑又好味的~!)


隻隻地中海紅蝦都係爆爆爆爆甜.....好多膏同埋係橙紅色的~!!!好味到冇朋友~~(宜家邊打邊好想食~!!!)


因為掛住食食食...所以冇咩影相啦~~~ 

待應哥哥黎換左幾次碟...我都唔該左佢話我知ENOUGH ENOUGH同埋TOO MUCH TOO MUCH丫~~~

如果唔係...又更浪費了~~~


呢餐TOTAL就係叫左一個SET同埋3罐汽水咋~~~

埋單大約50EUROS (即係500蚊咁上下啦~~) 十級抵食呀~!!!

宜家真係好掛住啲紅蝦同魷魚呀~!!

**********
其實....一邊食魷魚...一邊會諗起....膽固醇...
不過...食左先算啦...最多咪番到英國食清啲同埋最多啲運動囉~~

呵呵~~~

23 則留言:

  1. 嘩嘩嘩!!! 除咗好食到無朋友,50€仲抵食到無朋友啦! ^^
    個 grill seafood tower 實在太正,因為呢D通常都係凍食而唔係烤,熱食正好多多多!

    回覆刪除
    回覆
    1. 係呀係呀....熱食肚仔會舒服啲同埋食得開心啲~!!!!真係正到冇朋友~~~~佢足以令我再番去BARCELONA呀~!!!

      刪除
  2. 真係好抵呀!不過如果同我老公去就慘,佢唔係好食海鮮,我一條友一定食唔哂。

    回覆刪除
    回覆
    1. 唔慘唔慘...可以散叫的...再唔去....你唔MIND有粒大大電燈膽的話...我可以去一起食~!!!!!!

      刪除
  3. 抵抵抵!又好食又平! 正!

    回覆刪除
    回覆
    1. 真的好食都夠開心了...仲有咁抵食....比錢時都比得好開心~!!

      刪除
  4. 嘩, 個座seafood tower, 真係多到冇朋友, 仲要好味到冇朋友, 又抵到冇朋友. 勁妒忌呀~~~

    回覆刪除
    回覆
    1. 真係超超超正呀~!!!!!! 你喺香港都多新鮮海鮮丫...睇吓邊度有咁正的餐廳食番轉勁架啦~!!!

      刪除
  5. 芙芙都好喜歡食白灼蝦,美味到極呢!
    如果芙芙黎到,一定都要試下呢間野,
    樣樣都好吸引芙芙,睇到流口水啦!

    回覆刪除
    回覆
    1. 我上次番香港時叫街...爸爸定係細佬買左兩斤蝦比我去街玩到夜媽媽番屋企做宵夜...我仲嫌佢地買得少....細佬話我知我先知...我盤蝦都要成3舊水...香港啲野真係好貴呀~!!!!!!

      芙芙你都PLAN去巴塞啦...地中海紅蝦真係甜到不得了呀~!!!!!!

      刪除
    2. 巴塞呀?好呀!
      等芙芙plan個食盡世界蝦之旅,諗起都想笑!

      刪除
  6. 回覆
    1. 你3年後同亞SIR去拍拖仔環遊世界時..如果去巴塞記得去呢間食呀!!!

      刪除
  7. 涼粉子:
    ~我見到都流喉水, 好多海鮮呀!!蝦都係我至愛!! 你哋去旅行, 好識揾地方食!! 證明你去旅行前, 真係做足好多功課.
    ~原來英國好少蝦賣!! 真係去旅行要食返夠本!!

    回覆刪除
    回覆
    1. 我去旅行真係會做功課先架...特別係今次行程比較急丫嘛~~~
      地中海紅蝦真係超超超超超甜...我喺英國真係冇咩見過佢地呀~~(其他蝦都有...食過一次最正的係超大隻有成18-20CM長..好粗身的蝦...超爽超甜超彈牙...但係魚市場批發價平均都要成600蚊一箱...得8隻)不過真係超正....如果就到時間真係好想去魚市買佢番黎食食食呀~!!

      刪除
    2. 一次半次都OK的..點都抵過出街食呀~

      刪除
  8. Wow 引死人喇!真係平靚正呀!

    回覆刪除