:+:+:布克利亞市場 Mercat de La Boqueria:+:+:

喺巴塞的第2日...起身之後我地就黎左呢個布克利亞市場了...
 人頭湧湧呀...遊客同本地人都多..不過梗係遊客比較多啦~

大少係想食西班牙火腿啦~~~不過都係循例行一轉先~!!

切好唒一片片的...唔平啵~~~(應該話呢個價錢比馬德里貴得多...而同等貨色LONDON都唔差得太遠啵~~~~)

好多生果呀~~~~!!!

新鮮無花果抵到痺~ (不過我地咩生果都冇買呢...唔想拎丫嘛~)

揀左一榴買左杯士多啤梨汁飲......跟本就係糖+水黎嘅...不知所謂

感覺比人呃左2EUROS~!!!哈哈哈~~

熟食海鮮檔最吸引~!!!

樣樣都好似好好味~!!

我地揀左魷魚鬚~!!! 

細個時去酒樓飲茶有魷魚鬚架~!!不過好似近呢10年8年都唔覺有~~~

啲魷魚鬚去唒邊呀~????

呢盒咁就5.5EUROS (55蚊~)了...

真係唔係好多條架..我話貴..不過媽咪見到張相就話好抵食喎~!!

(唔通...香港啲野食真係貴得咁緊要~!!)

O..呢個魷魚鬚真係好好味....(想再ENCORE的時候...超多人排隊丫~..)

見到有幾檔有賣馬介休丫~!!! 

好想買..不過今次坐廉航EASYJET..機票連埋稅都係70鎊多少少一位(900蚊唔洗~!) 但係寄倉行李就要25鎊一程.....所以我地真係就咁一人一個旅行袋仔就算~! (我係咪好知慳識儉呢~!!!)

因為怕佢有味..唔想手提拎上機...所以就冇買了~!!

(等我去LONDON BOROUGH MARKET搵搵先~!)

有糖果店啦~~

唔知係咪西班牙人愛吃糖果....冇啦啦係大街行行吓都會見到幾間專係賣夾糖架~~!! 喺歐洲真係唔多見~!!

係糖丫..唔係朱古力呀~!!

見到又一檔...又影左張相...

影呢個的時候...我係諗起BLOG友DA DA架~!!!

大少話.......好多美腿~!!!

有幾間可坐定定食海鮮同TAPAS的..不過一來人多...二來..我另有心水餐聽丫~!!

所以之後都係番左去最開頭嗰檔..買左少少火腿邊行邊食就算~!!

丫..呢個市場入面有幾檔係專賣內臟的....即係話..如果喺巴塞住...就真係好大機會買到材料整牛雜呢~~!!