2013年11月29日星期五

:+:+:馬蹄粒粒豬肉餅(附食譜):+:+:涼粉家晚餐(26.10.2013)


上次整完馬蹄粒百花釀紅椒仲有啲馬蹄淨架嘛...
放左入雪櫃..之後就整個馬蹄豬肉餅清左佢地~!!


材料及做法: 

馬蹄 - 大約12粒~ (切幼粒)
免治豬肉 - 大約250克~ (刴至起膠)

豬肉內, 加入生抽, 水, 生粉, 胡椒粉, 麻油, 少少鹽, 單方向攪拌至混合~

今次懶懶地...放左喺飯上面蒸焗....

啲飯變得好好味~!!

今次個肉餅食譜唔多完整....我貼番之前整過的肉餅連結啦~~~
鹹蛋蒸豬肉餅
蔥菜蒸肉餅
鹹魚煎肉餅
鹹魚冬菇粒豬肉餅  (我覺得呢個最好味~!!!)
梅菜蒸肉餅
欖角豬肉餅

其實呢晚真係幾懶的...煲湯都係用現成湯包就算..
不過呢個牌子的猴頭菇湯包好好味...
媽咪都買左好多年了~~~

好快就有湯飲~!!!

再炒多個蒜蓉西蘭花...簡簡單單就開飯了~!!

我地細個時媽咪成日都會整呢個餸...當然啦..用新鮮馬蹄係清甜好多的..
不過...我最怕就係刨皮嘛....

之前都整過呢個餸比亞麻煩大少食...
佢今次又有說話比我聽~!~~~哼~~

大少: 丫..唔係唔好食...不過..咩馬蹄豬肉餅真係咁多馬蹄架咩?我好似食唔到豬肉呀~!!!!
 我:  咁你食西蘭花啦~!!!

激死我~!!!

有時想氹食肉獸食多啲菜都唔係咁易呀~!!!!!!!

14 則留言:

  1. 回覆
    1. 同埋宜家凍冰冰嘛...真係唔覺唔覺又食多左飯飯~~~

      刪除
  2. 馬蹄蒸豬肉,係我家常菜嚟架!

    回覆刪除
    回覆
    1. 我鍾意食架~!!!不過屋企件麻煩大少好多野講~~XDDD

      刪除
  3. 我只有罐頭馬蹄,蒸豬肉唔係咁好食.

    回覆刪除
    回覆
    1. 我都係用罐頭咋...係就係冇咁清甜..不過都算OK呀~~~

      刪除
  4. 我都係最怕刨馬碲皮, 又怕買來是爛的多。

    回覆刪除
    回覆
    1. 我連薯仔都唔願刨.....懶懶地用罐頭算了~~XDDD

      刪除
  5. 大少好攪笑,好似小朋友咁要"tum"佢食菜!

    回覆刪除
  6. 涼粉子, 畀我係你, 我一定會話“咁你煮囉!”

    回覆刪除
    回覆
    1. 唔好....佢煮的話我啲廚具可能有危險呀~~~XDDDD

      刪除