:+:+:沙嗲醬豬扒:+:+:(附食譜)

呢排天氣凍凍又眼訓..冇咩胃口, 不過我唔食..大少都要食架嘛..
呢晚簡簡單單煮個惹味沙嗲豬扒比佢..

等佢開心吓~~呵~!!!

材料及做法: 

紅洋蔥 - 1個切粗條~

先炒香~

豬扒 - 3塊 (筋粒切開後拍鬆~)

燒熱少少油後大火加入豬扒

加少少鹽+胡椒粉煎香~

煎香一面後轉另一邊再煎~

煎好後切件~

洋蔥回鍋, 加入蒜片~

加入豬扒件後加入1湯匙沙嗲醬, 少少生抽, 1湯匙水~

大火煮滾後熄火調味~!!

就係咁簡單就完成左一個好好餸飯的沙嗲豬扒了~

因沙嗲醬濃味, 連豬扒唔醃過先煎都OK啵~!!!