2014年1月3日星期五

:+:+:特濃蘑菇忌廉汁配烤雞:+:+:涼粉家晚餐(03.12.2013)

又係時候襯有番啲力水...要努力仲吓POST先~!!!
草稿都有成100篇..(放左相仔未打字...)
真係係時候要清清佢!!!! 
我超級唔想因為忙而令到個BLOG吽到出菇菇同埋生雜草呀~!!!!

由12月頭...公司就開始忙...人又累...
我連煮飯的力都冇..(寧願唔食都想訓覺~哈哈哈~!)

我唔食就可以當減肥...但係陳大少.......(我好唔想佢又變番做紙板人呀~!!!)
所以簡簡單單都要煮晚餐丫~!!!


今次個賣點就係呢個特香濃的蘑菇忌廉汁

仲要係我聲控大少煮架~!!! (所以比我自己煮的更好味~!!) 

做法好簡單:
白蘑菇切幼粒
加入少少牛油炒香
加少少鹽+黑椒+蒜粉+胡椒粉

加入淡忌廉煮形滾起, 轉小火煮3-5分鐘至濃稠!

咁就OK喇...
熄火調味~!

沙律汁冇整...買左現成的~!!(不過感覺呢個麻麻地`)

燒雞同之前整的牛油蒜蓉瞥燒雞差唔多...

不過今次再簡單啲, 淨係少少牛油+海鹽+蒜粉同胡椒粉~

現成的馬莎薯蓉...
係好味的..
但係又覺得自己整的更好味~!!

加埋沙律菜就開飯了~!!!!
甜品...
仲有現成的馬莎雲尼拿芝士蛋糕~!!

好好味~!!!

雖然真係好多現成野..不過真係好過煮都唔煮吓丫嘛~~呵呵呵~~~

2 則留言:

  1. 大少好好呀,要比個LIKE佢,會體諒涼粉子公務繁忙幫手煮飯,so sweet!

    回覆刪除
    回覆
    1. 佢有時係幾乖的...不過呢...如果就咁叫佢做野..佢哦左句之後..就會冇左件事~~~

      我冇佢咁好氣....我寫定LIST 貼喺佢電腦MON度~~~呵呵呵~!!!!

      刪除