2014年1月8日星期三

:+:+:鮮茄牛腩煲:+:+:涼粉家晚餐(07.12.2013)


有次去到中超見舊大大舊靚牛腩, 即係一層層又唔係好多肥膏的..
即時買左...
番到屋企先發現...原來一樽柱侯醬都冇丫...
陳大少就係有啲失望的了..
柱侯牛筋腩煲---->食譜仔在這裡
 咖哩牛腩---->食譜仔在這裡


唔係好想食清湯腩---->食譜仔在這裡

想惹味又下飯...今次整左鮮茄牛腩煲
哈哈..我本身就係好鍾意酸酸甜甜的番茄啦~!!!


材料及做法:


牛腩切件
滾水加入薑片汆水~
一來可去去肥油, 二來又乾淨啲~

隔水

番茄3個 - 切角
紫洋蔥1個 - 切條
薑片 - 2塊
蒜粒 - 5粒
茄膏 - 2茶匙
茄汁 - 1湯匙
冰糖 - 1小塊
喼汁 - 少許
水 - 大約150ML

先炒香洋蔥+番茄+薑蒜
加入牛腩件拌炒至乾身

加入茄膏+冰爆+茄汁+水
大火煮滾後轉小火炆煮20分鐘, 熄火焗30分鐘
如未夠腍再重覆一次

呢湯都有乖乖煲個湯湯~~~
合掌瓜杞子煲魚湯~

大約1個半小時就煲好了~

又係清清潤潤的...好好味道~

開飯了~!!!!!

是日晚餐: 鮮茄牛腩煲+薑片上湯浸旺菜+蒸焗膶腸+合掌瓜杞子煲魚湯~

***************************************************************
網上小資料: 

藥用價值 

佛手瓜
佛手瓜
  1.佛手瓜在瓜類蔬菜中營養全面豐富,常食對增強人體抵抗疾病的能力有益。

  2.佛手瓜蛋白質和鈣的含量是黄瓜的2-3倍,維生素和礦物質含量也顯著高於其他瓜類,並且熱量很低,又是低鈉食品,是心髒病、高血壓病患者的保健蔬菜。經常吃佛手瓜可利尿排鈉,有擴張血管、降壓之功能。

  3.據國家營養協會報道,鋅對兒童智力發育影響較大,常食含鋅較多的佛手瓜,有助於提高智力。

  4.中醫認爲它具有理氣和中,疏肝止咳的作用,適宜於消化不良、胸悶氣脹、嘔吐、肝胃氣痛以及氣管炎咳嗽多痰者食用。

  5.佛手瓜苗硒的含量每100克高達30.58-53.01微克,是多種蔬菜不能比擬的。現代醫學證明,硒元素是人體不可缺少的微量元素,每個成人每日的攝取量應爲30-50微克,硒元素具有較強的抗氧化作用,可以保護細胞膜的結構和功能免遭損害等。

  6.佛手瓜對男女因營養引起的不育症,尤其對男性性功能衰退有較好的療效。

9 則留言:

  1. 太過豐富了!你兩個其實都幾大食!同我有得fight!

    回覆刪除
    回覆
    1. 其實咁樣3餸1湯真係好過份咩~?@@ 啲餸都盡量細份量架其實~~XDDD

      刪除
  2. 我好鍾意個鮮茄牛腩煲。。。D番茄汁呀!比我一定當湯咁飲哂佢。細個媽媽煮番茄豬扒我都係咁狂撈汁,但就唔食豬扒,正牌配菜王!

    回覆刪除
    回覆
    1. 謝謝你呀~!! 我都係撈汁王黎架..不過呢幾年都乖左..撈少左汁...不過撈左汁真係會唔覺唔覺食多左飯飯架~!!!

      你講起番茄豬扒..我有啲想食焗豬扒飯呀~!!!

      刪除
  3. 涼粉子,你個鮮茄牛腩煲好濃郁咁喎,
    見到都想食呢!芙芙依家好肚餓,
    太耐冇上嚟留言俾你哋,一留就要睇好多篇,
    大家都post咁多美食,搞到芙芙半夜都好肚餓呢!

    回覆刪除