2014年1月22日星期三

:+:+:拍拖仔星期天 + 全日本餐日~!!:+:+: (19.01.2014)

上個星期日本來大少係想出去飛髮...不過陪左我唱K..之後又直接番屋企...

所以今個星期再出去拍拖仔..食吓野又行吓街街咁!

當然啦...次次出街前...(因為我慣性早起身...) 都會朝早煲落左湯湯先~~

今次係蜜瓜無花果雞腳瘦肉湯, 天氣凍凍最啱飲~~

 
開左我個寶貝新玩具蒸左魚肉燒賣同埋自家雞札

就同KAKA去晨運了~~

 番到黎食左早餐...KAKA見我洗完白白...就開始扭計....

 咁我地次次去街前都會出左份看更糧比KAKA先架~~
今次係食得津津有味燒豬腿骨~

同大少行黎行去都唔知食咩好...想食的拉麵店COCORO星期日又唔開午市~~

到成下午三點了~~~~
就諗起食MISATO的照燒三文魚頭腩好好味....食三文魚又有益健康~~
就去左MISATO...不過可惜...佢又冇三文魚頭腩!!! 激死我了~!!

大少揀左滑蛋吉列豬扒飯...樣子麻麻地..不過好味的~!

我都想食甜甜地的照燒汁...揀左照燒吉列豬扒飯...

其實MISATO份量比之前細左好多..不過冇所謂呀...反正都係食唔唒...之前都係要叫佢飯要細份~(價錢係一樣的~~)

一人一杯我地成日本野常飲的CALPICO.....埋單連埋小費20鎊....

真係好抵食~!!

之後大少去飛髮..我就去買左啲賀年食物...瓜子.糖蓮子咁...仲買左少少菜菜...中式麵包..(冇啦啦好想食雞尾包同埋菠蘿包~) 又買左零食呀咁..不過都唔敢買太多...拎到一袋二袋咁就唔願行街街架喇~~~

冇行大街...因為大少話想去買和果子~~
就行左去Minamoto Kitchoan源吉兆庵 - 佢全球好多大城市都有分店...
喺倫敦, 陳大少話想食和果子就次次都會黎呢度買~~

心大心細咁...咪又係次次都係食嗰幾款...(有人話呢啲叫做專一.........點話點好啦~~~哈哈哈)

今次我唔想食...(連之前食上癮的栗子羊羹都唔係好想食..)
大少就揀左1個豆沙餅 同埋兩個紅豆大福餅...

係呀係呀...佢好鍾意食日本紅豆..之前買罐頭十勝紅豆比佢佢都話唔夠好味~

 好新年氣氛丫~!!

之後去左ATARI-YA SUSHI BAR ORDER左少少壽司同埋大少話必食的超豪華魚生飯~
預左7PM去拎...跟住就去SELFRIDGES行轉了~~~

當然...我係唔記得左幫朋友睇吓有冇三花牌雞尾腸....又唔記得睇吓有冇墨魚汁賣啦~~~

行行行買買買到到5點45分...SELFRIDGES話仲有15分鐘關門...我地其實未餓..不過都行去COCORO~~

不過都入左去食少少野喇---> BLOG仔在這~
 

呢餐45鎊~~有人話算抵食~!

食飽飽剛剛好7點...去拎埋外賣的魚生飯...

仲有卷仔~~ 好似係25鎊~

就番屋企了~!

今次好快手..一個小時就番到屋企了~!

番到屋企飲番碗熱辣辣的湯湯..真係好正呀~

12 則留言:

  1. 涼粉子, 除咗蘋果同雪梨, 我好少煲其他生果湯~~~~

    回覆刪除
  2. 回覆
    1. 都係嘅.,有人食日本野食到大滿足丫~!!!!

      刪除
  3. 唱K,我好LIKE架 ~ haha ~
    非常歡愉的一天,仲吃了咁多美食,回到家又有靚湯飲,好good!:D

    回覆刪除
  4. 回覆
    1. 完全冇入過FOOD HALL啦..(PLUS我完全唔記得左~XDD)

      刪除
  5. 可以全日都有日本嘢食真幸福!

    回覆刪除
  6. 真係由日本之日食到日本之夜喎!
    原來倫敦都有Minamoto,我哋最鍾意食最悶嘅草餅,可惜唔可以留太耐,去親NYC只能買小小!

    回覆刪除
    回覆
    1. 佢都係買大福餅同叮噹餅..佢話叮噹餅好有驚喜喎~~~

      刪除