2014年1月2日星期四

:+:+:來一個開開心心的2014!!!!!!:+:+:


話咁快就2014年了~!!
涼粉子一家祝大家新年快樂事事如意身體健康開開心心!



今年倫敦迎新年的煙花同往年一樣..都係喺泰晤士河倫敦眼一帶

亦都係放10分鐘煙花~!!

不過今年特別啲...
有士多啤梨車厘子味水果噴霧

仲有可以食的水果味紙碎~!!

好得意呀~!!

其實呢個12月倫敦天氣都麻麻地..又打風..

最慘係...成日落雨....

如果天氣又凍又乾爽.,.就比較有節日氣氛了~!!

但係成日落雨濕濕..真係連街都唔願出...連SHOPPING都少左好多呀~!!

不過真係好好彩...倒數前冇落雨...
到到大約00:30 分..就開始落好大好大雨...

不過都已經好好了.... 起碼唔洗倒數時落雨...因為真係好多人出左去睇煙花架~!!

我地喺屋企食住咖哩魚蛋魷魚蘿蔔連倒數...(我仲同媽咪傾緊電話呢~!!)
 就係前一晚整..... 浸一晚就夠唒入味了~~
影呢張相仔時係未浸的~!

 




卡卡係一隻細膽的狗狗.. 自然天性都係驚煙花的..(我以前唔知..仲帶卡卡出去睇煙花~真係慘慘豬~!)

未到00:00, 屋企出面河邊都開始有人放煙花...卡卡就開始鬧佢地咁嘈了...

到到叫佢乖乖地LEAVE IT唔好嘈啦...

佢就收埋左自己喺牆角~~~

其實佢一年比一年好左好多...我之前幾年真係會專登播煙花聲比佢聽...等佢習慣啲架~!!

慢慢..佢就冇一聽到煙花聲就係咁嘈..好似火警鐘叫人走咁~!! 

煙花停唒之後..就係時候比卡卡食宵夜...咁佢就會開心番唒~!!

元旦日拍拖仔去飲茶茶~~
今次都係近近地去GREENWICH的新世紀~!






大少冇啦啦想食灌湯餃...見佢好似好鍾意食咁~! 
(等我下次整涼粉家點心的時候試吓整啦~!)

因為下面呢盅連埋加一都要成70蚊港紙...
 我就會寧願揀多功夫的點心啦~~~

8 則留言:

  1. 涼粉子...Happy New Year 身體健康 ^^
    我隻狗狗同kaka一樣都係膽小鬼...haha

    回覆刪除
  2. you guys ordered a lot of deep fried food! (haha)

    回覆刪除
  3. 新年快樂!!!

    我哋就幫Blaze著件thunder shirt保護吓, 因為佢都驚煙花聲, 好在今年唔嚴重.

    回覆刪除
  4. 新年快樂呀,水果味紙你估有冇人敢食呢?

    回覆刪除
  5. 涼粉子:
    ~新年快樂!! 你好似英國記者, 直播新年啲煙花表演!
    ~啲煙花都幾多!! 唔錯!

    回覆刪除
  6. Happy anew Year!!
    大狗狗好似特別怕突如其來的大聲浪,我朋友屋企以前三頭大狗狗(包括狼狗)都好怕煙花、行雷、smoke detector等聲音架!

    回覆刪除
  7. Happy NewYear, sweetie, 你幾時做咗實況記者呀? 哈哈~~見到你D相好似親身觀賞一樣!

    回覆刪除
  8. happy new year!
    edible fireworks? that's amazing

    回覆刪除