2014年1月20日星期一

:+:+:蜜瓜無花果雞腳瘦肉湯:+:+:(附食譜)

呢排真係少左煮飯是真的...

不過呢...湯仍然都係有煲....特別係話左出去行街街呢...

我通常朝早都會煲落湯...同KAKA去街....番黎食個早餐..之再洗白白準備去街街...

之後....先叫醒亞大少~~~

今次呢...係人見人愛的滋潤蜜瓜湯~




材料及做法: 

蜜瓜 - 1個 (去皮去籽切大件)
雞腳 - 8隻 (薑片汆水後用廚剪剪去趾甲)
瘦肉 - 2件 (凍水汆水後洗淨)
甘荀 - 1條 (洗淨後切件)
無花果 - 3粒
南杏 - 1湯匙

 凍水加材料大火煲至滾起後轉小火煲1.5小時即可~!!!

呢排天氣乾, 飲呢個湯甜甜潤潤又重膠質...真係好味又健康呀~!!!

17 則留言:

  1. 我都想飲呀,我屋企好少煲到湯....

    回覆刪除
  2. 我通常一星期都會煲一次湯!

    回覆刪除
  3. 涼粉子:
    ~你生活好健康, 早起又煲湯!!
    ~你煲湯....好識將啲材料配塔. 我煲黎煲去, 都係個幾款or 買湯包!! 原來蜜瓜煲湯, 都ok!!

    回覆刪除
    回覆
    1. 哈哈..VICKY...唔係架..有時我放假好夜訓...但係都會慣左晨早就起身~>_<

      蜜瓜煲湯好好味架..我地通常買左蜜瓜..一開發現佢唔甜..就要黎煲湯~!! 你都試吓丫~!!!!

      刪除
  4. 真係大鄉里,除咗蘋果、梨、木瓜,真係唔知蜜瓜可以煲湯呀! ;)

    回覆刪除
    回覆
    1. 你有冇聽過爵士湯?? 都係有蜜瓜架~!!

      刪除
  5. 我在娘家時,爸媽都無試過用蜜瓜來煲湯,所以我唔知可以用來煲湯,但有了自己天地後就咩都試下,原來用蜜瓜來熬湯係好好飲,好甜架!之不過...近排好懶好少煲湯,不如請小高喝一碗吧!^O^

    回覆刪除
    回覆
    1. 嘻嘻小高~!! 我同你TASTE一樣...蜜瓜煲湯真係好好飲~我呢排都懶煮飯...
      一係咁啦..你講食飯..我請飲湯~~~哈哈哈哈哈~~~

      刪除
  6. 涼粉子,我食親蜜瓜都會喉嚨痕,敏感。唔知用嚟煲湯,會唔會依個問題發呢?

    回覆刪除
    回覆
    1. 唔知呀....不過都係唔好博好啲呀~~~

      刪除