2014年2月7日星期五

:+:+:西班牙雞肉燴飯:+:+:(附食譜)


之前整過西班牙海鮮飯...

今次冇用海鮮, 用左雞仲有唔少得的西班牙腸...

效果一樣唔錯呀~!!! 不過陳大少話唔夠喺巴塞隆納間LA FONDA好味~

咁呢樣真係一定的~~!

不過都算唔錯喎~!!

材料及做法: 

紫洋蔥 - 半個 (切幼粒)
西班牙腸仔 - 3條 (2條切粒, 一條切片)
西班牙米 - 250克
蘑菇 - 4粒 (切幼粒)
雞鎚 - 4隻 (一開二)

今次有丁丁懶, 冇落番紅花, 用現成馬莎西班牙飯醬~! 呵~

 材料準備好了~!


 平底鍋加油後燒熱~ 
(今次同上次一樣..都係用LC 26CM淺鍋...記得係冷鍋冷油呀~!)

 先炒香洋蔥及蘑菇粒~


加入雞件略炒~

加入西班牙米~

炒至略略轉色~

加入醬汁及西德腸仔粒略炒~

加入同米同等份量清水, 滾起後加蓋細火煮10分鐘

略拌勻後加上西班牙腸仔片

重覆一次~

表面仲係有少少濕潤就差唔多了~~

香噴噴西班牙飯就完成了~!!
開飯了~!!!!

4 則留言: