2014年3月23日星期日

:+:+:冬菇雲耳雞粒蒸飯:+:+:(附食譜)

是咁的...我一向都鍾意食蒸飯..不過怕麻煩... 所以好多時係電飯煲焗飯~

LC整煲仔飯當然係好味啦..不過我地唔食飯焦的...所以唔會時時整~!

LC煲白飯梗係好好味啦, 飯有米香而又粒粒分明...

不過我....有丁丁懶...

任何事都係...方便同適合自己最緊要
我呢排就愛上左蒸飯~!

襯大少番香港嘛...我一個人食蒸飯好似食上癮咁呢~!

呢次係...冬菇雲耳雞粒蒸飯!!
雞汁比飯飯吸收左....真係啖啖都好好味呢~~


材料及做法: 

冬菇 - 4隻 (清水浸軟後切粒)


雲耳 - 隨量 (清水浸浸後搣成小塊)

我好鍾意食雲耳的~!!!


天氣仲係有啲啲寒...我都係要KEEP住食薑..

所以蒸飯一定會落薑粒~


黃皮雞上肶 - 2大件~

洗淨後切粒..我都切走左肥膏..同埋少少雞皮...

完全冇雞皮我又唔想呢...但係又唔想愈食愈肥...

盡量啦~!


所有材料加入生抽, 糖, 鹽, 胡椒粉, (麻油+生粉---煮前先至加) 拌勻


先蒸飯(呢度係涼粉家小量杯的一杯米)

我用左100度15分鐘


開開蒸爐梗係唔係蒸煲飯仔咁少啦...

仲會蒸埋卡卡豬的食物...有魚魚, 牛肉, 青豆...(之後仲加埋雞蛋呢)


飯蒸好後,.....


加埋醃好的冬菇雞粒粒~~


再蒸多10分鐘就食得了~!!!

3 則留言:

  1. 呢個蒸飯啱哂凍天氣食呀!
    原來KaKa食得又鍾意食魚魚架?

    回覆刪除
  2. 涼粉子,小高又係,雖然人人話煲仔飯的飯焦正,但查實我唔多好......
    呢個蒸飯好得喎!好吸引呢 ~ 而且我又鐘意落多d薑。

    回覆刪除