:+:+:麻辣牛筋:+:+: (附食譜)

又係一有時間就整定少少小食的時候..

今次主題係...牛筋 !!

其實冇難度....

急凍牛筋(唔洗解凍了~)用薑蔥汆水~

洗淨後隔水~

涼粉家有一鍋萬用豉油汁....

就好似人地啲千年牛雜汁又或者係卥水汁咁~~

整完之後就係咁... 大火煲滾後就唔好攪佢... 過左一份表皮的油就可以好似片走了~

用薑蔥及洋蔥就可以去除雜味~



入左味的牛筋其實都已經好好味了~~

切好一件件..有時陳大少食麵時加黎食~~~

因為屋企花椒油用唒的關係~~~~~~

所以.... 先冷油+花椒慢火煮熱到有香味~~~

辣椒乾切粒~

其實咁大隻的辣椒乾唔係好乾的~~

加入炒香~~

再加入牛筋炒勻~~

即成~!!

陳大少愛吃麻辣... 但係好怕花椒一粒粒咬落去時啪一聲....

所以呢... 一不做...二不休....

整定大大樽花椒油~~~!!