:+:三補蓮藕花生雞腳湯:+: (附食譜)

終於出唒個台灣自由行遊記...

又係時候轉一轉出一出食物.. (涼粉字BLOG餓左好耐了~)

雖然睇見樽胡椒粉就諗起胡椒噴霧... 就火滾~!!

好~~~ 

講番呢個三補蓮藕花生雞腳湯先~!

材料及做法: 

蓮藕大約2節 - 去皮後切件

紅腰豆- 2湯匙 (最好浸2小時~)

蜜棗- 3粒 (清水洗淨)

豬骨 - 大約300克 (清水汆水後洗淨)

眉豆 - 4湯匙 (最好浸2小時~)

合桃- 2湯匙 (最好浸2小時~)

雞腳 - 6隻 (清水汆水後去趾甲洗淨)--->唔食湯渣就唔洗去趾甲啦

材料加凍水, 大火煲起後轉細火煲一個半小時即可~

合桃補腦, 雞腳補腳, 蓮藕紅腰豆補血~~

好味得黎好有益!!