2014年11月12日星期三

:+:韓國城買買食食食:+: (02.11.2014)

講左好耐話要同陳大少拍拖子去倫敦第一多韓國人的市鎮New Malden ! 

當然係為左去大大間韓式超市Hmart入貨啦!!! 

講就真係講左好耐... 不過要清咁啲冰格嘅位出黎..

如果唔係去到樣樣想買但係冇位擺好冇癮架嘛~~~

去得韓城... 梗係就係要食個韓餐啦~~

呵~~~



出發時好在唔塞車... 話遠唔遠.. 但係話近就一定唔近啦~~~

車程大約75分鐘~~

唔覺唔覺... 喺HMART入面行左兩個鐘頭~!!!

掛住買買買冇影相丫...

英國的HMART網址係: http://www.hmart.co.uk/

好似買左好多.. 但係入左袋又唔係好多咁~~

定係我入袋入得好整齊呢~~~ 呵呵~~~


樣樣抵買樣樣想食.. 

買左2百幾鎊... 不過.,... 平時去中超都過一百鎊的~~

所以... 韓超真係比較抵買的...

貨品的種類都多好多選擇~!!!



本身想同大少去上次食得好開心的SU-LA架...

不過我地買到4點幾... 人地未開始做晚市~~~

所以去左大街的YAMI 食~~~

大少麻麻地韓燒... (佢話... 喺屋企玩韓燒開心啲喎~! 哈哈~~)

所以..今次主力係吸吸新煮意~!!

又可以睇睇陳大少嘅接受程度~~ 

3小碟~

酸辣醃荀 - 唔好味... 唔知做咩食到有陣涼粉子好怕的鹽漬櫻花味~
 所以絕對唔係我地杯茶~~

生菜沙律 - 個醬好好味... 醬汁應該係蜜糖芥末醬加韓梨蓉 (應該係... 我好努力嗒左好耐的~!!)
有機會可以實驗吓... 試一試~~ 嘻~~

醃小胡瓜 - 呢個真係好好味~!! 第一次食泡COURGETTE... 少辣少酸得黎就仲有COURGETTE本身種甘甘地嘅味~!! 真係一流!!!
下次涼粉家韓式晚餐都可以試試..不過呢個冇太大信心~~




其實......陳大少係......從來未食過石頭鍋飯~~~~

所以... 喺我煮之前.. 同佢黎食吓先~~ 

佢一直都撈飯... 泡飯... 都幾抗拒~~

但係呢個石鍋飯... 佢都話OK....

丫... 天氣再凍少少就可以試吓整個LC鍋偽石頭鍋飯了~~~



之前的星星熱... 令到炸雞都人氣急升...

之前食過辣辣口味的... 今次比陳大少試試醬油口味~~

我地都覺得醬油口味更正~!!!



因為倫敦真係突然凍左好多... 令到涼粉子更加想食飯飯~~

湯飯同泡飯涼粉子一直都喜愛...

呢次見餐牌上有韓式辣豬腸湯飯.. 諗住叫黎試試...

點知佢話今日冇得賣~~~ 唔.......

所以是但篤左個辣牛骨湯飯~~~

味道好唔錯... 不過應該係因為食材關係...佢冇用到蕨菜乾...

反而用左我地廣東人煲金銀菜豬肺湯的白菜乾~~

成件事都係夾的~~

出黎亦都係好好味~~!! 

幾時我有機會一人LUNCH又或者係一人晚餐... 

我就試吓煮佢~



食飽飽就係時候番屋企了~!!





6 則留言:

  1. 小高呢期都好鐘意韓食!^^

    回覆刪除
    回覆
    1. YEAH!!!! 其實唔上韓食呀... 連韓妝... 韓劇都好鍾意呀~~~ 哈哈哈~~~

      刪除
  2. 去到唔係平時行開嘅超市係會買得興奮D架!

    呢邊都開始凍啦,食石頭飯再配個豆腐湯(我要少辣),食完暖lup lup,好正架!

    回覆刪除
    回覆
    1. 係呀.. 因為平時唔會冇啦啦去架嘛... 一來少行韓超.....二來佢價錢又比中超平.... 三來佢超多貨.... 所以買得超開心呀呀呀~!!!

      你講起我又好想食湯飯了~~

      刪除
  3. 涼粉子:
    ~H mart 而家無處不在, 我依邊都有H mart. 真係全韓國人經營!! 入到去好有韓國feel.
    ~你都幾大手筆, 入咗好多韓國食物!!

    回覆刪除
    回覆
    1. 美加好似好多HMART分店呀... 我之前上過HMART網睇吓佢有冇做本地送貨..都係冇丫... 美國就有... 嗚嗚~~~

      如果屋企FREEZER多位啲我都會再買多啲呀~~~~~ XDDDD

      刪除