:+:蠔油芥蘭炒牛肉:+: (涼粉家晚餐16.10.2014)

涼粉子好鍾意食芥蘭..

不過芥蘭偏寒 (就算落多啲薑炒都仲係怕寒~).. 所以呢排都係買菜心多啲~~

不過有時都仲會買少少芥蘭嘅~~ 呵呵~~

平時都係淥油菜多... 不過見少食.. 就煮得有心機啲~~

哈哈哈... 涼粉家未出現過的... (都算係一個新餸啦~!!)

 :+:蠔油芥蘭炒牛肉:+:

材料及做法: 

牛柳邊好靚,又好抵食...  涼粉媽次次都比我引到~!呵呵~~ 

 

(香港牛肉價錢真係..... 貴得過份呀~!!)

牛肉切片~~

加入水+生抽+胡椒粉醃最少15分鐘~

芥蘭切段, 長度要平均啦~~

浸洗~

滾水加入少少砂糖, 大火煮滾後加入芥蘭段淥大約1分鐘~

隔水備用~

準備炒牛肉了~~

炒前加入生粉及少少麻油拌勻~

凍鍋凍油加熱...

加入牛肉後唔好即刻反轉呀~~ 由得佢煎一陣更香口~ (炒滑牛肉就唔同煮法啦~~!!)

反轉~~

加入之前淥好的芥蘭段~ 炒勻

可睇情況加少少清水 (如果芥蘭夠腍就唔洗加太多了~~)

芥蘭炒至夠腍後... 可熄火~

加入蠔油調味~~~

 :+:蠔油芥蘭炒牛肉:+: 完成了~!!

開飯了~!!

涼粉家是日晚餐: 薑蔥蒸魚魚 + 椒絲腐乳通菜 + 蠔油芥蘭炒牛肉 + 猴頭菇合桃粟米豬骨湯~

呢餐兩味都係菜菜... 感覺好好呀~!!!