:+:台式紅燒牛肉麵:+:(附食譜)

喺台灣時食過好好味嘅林東芳牛肉麵~~

不過佢唔係紅燒的..而係清湯.. 再加佢個辣醬咁樣~~

之前去HMART時買左條靚靚牛腱

平時超市的都係一件件圓餅形切好左~~~ 咁涼粉子就覺得唔係好啱用~

所以呢... 今次有條牛腱比我煮...

煮得寧舍有心機呀~!!!

今次係... 

:+:台式紅燒牛肉麵:+:

涼粉子同陳大少都食得好滿足呢~!!!

材料及做法: (有啲長氣的~~)

牛腱  - 半條~(大約700克~) - (另外半條去左邊??? 嘻嘻~~~)

牛腱切大舊啲... (太細舊會好似炆完唔見唒架~!!)

滾水大火加入薑片汆水~

洗淨隔水備用~

洋蔥 - 1個 (去皮後切絲)

番茄 - 3個 (洗淨後切角)

甘荀 - 2條 (去皮後滾刀切件)

蒜頭 - 7瓣

薑 - 1大舊 (拍鬆)

指天椒 -6粒 

香葉 - 2片 (BAY LEAVES)

黑胡椒粒 - 1/4茶匙

蔥 - 一大堆~!

凍鍋凍油加入蒜頭+薑+指天椒+香葉+黑胡椒粒, 中大火炒至有香味~

加入洋蔥+蔥拌炒~~

炒至軟身後加入甘荀件~~

甘荀件炒至乾身加入番茄~~

炒炒炒~~~

加入八角 - 1粒~

桂皮 - 2小片~

又到醬料出場~!!

呢個牌子嘅沙嗲醬涼粉子大力推介~~

係好多好多年前涼粉媽用開的...

有時英國買唔到呢個... 轉食其他牌子.. 但係未有一隻拍得住JIMMY'S沙嗲醬

沙嗲醬- 2湯匙~

蒜蓉辣椒醬- 1湯匙~

辣豆瓣醬 - 1湯匙~

炒炒炒~~

醬料要炒過先夠香架~!!

加入一湯匙米酒~~

一湯匙 - 花椒油~

炒到呢個狀態就差唔多~~

加入牛腱略炒~~~

加入鹵水汁 - 大約200ML

加入冰糖- 大約1.5湯匙

加入滾水 - 300ML

大火煮滾後轉細火炆煮30分鐘後熄火焗30分鐘~ (涼粉子用LC鍋.. 所以煮食時間可以減少~)

如果牛腱未夠腍就再煮多一陣.. 焗多一陣啦~

睇見都覺得好香濃~~

好多油... 梗係要片走啦~~~

呢個通窿湯殼係涼粉子平時煲完湯隔湯渣的好幫手~~~

今次都係用佢係分開個湯汁..同埋材料~

非常好... 番茄同洋蔥都溶唒了~~

夾起牛腱之後..呢啲就唔要架喇~~~

夾起牛腱~~

半筋半肉真係好好味~~~

如果有新鮮油麵梗係更加好啦~~

今次涼粉子用左呢隻非油炸的壽桃牌油麵~~

都算不過不失啦~!

食台灣餐... 梗係要飲番杯台灣飲品~~

特別係呢幾日倫敦天氣凍左好多呢~~~~

呢包薑母茶係涼粉媽喺台灣買的~~ (定係蜜糖小姐買架呢??) 嘻~~

總知就係好夠薑好好味啦~!!

哈哈哈...

小食都要夠台灣~!!

呢個係涼粉弟喺台灣買的~~~

(呢一餐... 簡直就係充滿左大家嘅愛呀~~~ 哈哈哈~~)

陳大少未食過台式牛肉麵...

原來連台灣香腸都未食過~~~ 

佢話呢個蒜香台風腸好好味呢~~~~

(絕對唔係讚緊涼粉子.. 因為涼粉子淨係焗佢地架咋~~~ 丫.. 同埋拮左枝竹簽~)

個湯汁加番少少水.. (調番自己喜愛嘅濃淡度啦~)

加埋少少鹽調味... 

煮完嘅麵隔好水放入碗...

 

加牛腱~

 

加湯~

 

加蔥花~

 

涼粉子就喜愛加幾滴白醋先食...

 

可以降低油膩感~~

(利申: 涼粉子一向都係鍾意食酸味的~~~)

香噴噴的:+:台式紅燒牛肉麵:+:完成了~

嘻啁~~~~ 呢兩隻KITTY碗.. 一直未開黎用...

係因為我本身想要佢黎食日式拉麵架嘛~~~

點知就係比牛肉麵打左尖呢~!!!

******************************

陳大少話...佢中學附近有間店係賣台灣牛肉麵...

時時行過但係一次都冇幫襯過~~~

所以...一直都唔知....

原來.....

 台灣牛肉麵....

係........

....

.....
 
咁好味架~!!

突然覺得.......花左幾噸心機煮都覺得好值得~~~~!!

呵呵呵~~