:+:臘肉炒蜜糖豆(附食譜):+涼粉家晚餐(27.11.2014)

冬天就梗係食臘味嘅時候啦~~ 加少少要黎炒菜菜...

風味十足呀~!!!

上次有臘腸炒椰菜~~

今次有臘肉~!!

少少臘肉就可以為碟餸菜增加不少秋冬感覺呢~~

材料及做法:

雞肶菇 - 100克 (濕布抹乾淨後切粗條)
臘肉 - 一小件 (熱水汆水洗淨後切片)

雲耳 - 3湯匙 (清水浸軟後洗淨隔水備用)

蜜糖豆 - 150克 (浸洗後去蒂備用)

冷鍋冷油加入臘肉片~

略煎至出油後加入雞肶菇及蒜片粉至開始軟身~

加入蜜糖豆炒至乾身~

加入雲耳~ 炒至軟身即可熄火加鹽, 少少糖, 少少麻油調味~

食辣嘅當然可以加辣椒仔啦~~~

大約5分鐘就完成了~~~

開飯了~~

是日涼粉家晚餐:

:+:木瓜蜜棗豬骨湯:+:

:+:椰香咖哩牛腩煲:+:

:+:蜜糖黑椒牛仔骨:+:  

 :+:臘肉炒蜜糖豆:+: