2009年6月27日星期六

:+:KAKA真係好友善的!:+:

琴日放工之後..同KAKA去完街就洗白白換3去左打麻雀.....

一打就打到天光去埋BILLINGGATE魚市場先番屋企....

番到屋企放唒D戰利魚入雪櫃就洗面訓覺...一訓訓到成點幾兩點...

KAKA好乖丫...嘈都冇嘈過...

見兩點唔係中午時份...即刻帶佢出去玩....點知....原來仲係熱到不得了...

我好怕曬...一出到去就順唒KAKA意....直衝去籃球場...因為我真係唔想郁....淨係想O係唔曬既地方坐下~~~





點知一入到去...見到得O個少少位唔曬JA....而我都仲同KAKA影幾張相先埋去坐...陳米仲快過我...一支箭咁過左去坐....佢唔係怕曬...佢係.....懶..!!哈哈..



KAKA: 我最中意同陽光玩遊戲~~!!!同埋我天生麗質...曬極都唔會黑丫~~呵呵~



KAKA: 你地唔好坐O係度啦....快D陪我玩波仔啦...

真係唔好意思..我係唔會出去曬的~~~



KAKA跑左幾下...真係熱到隻HOT DOG咁~~



之後..有個男人O係埸外面問我KAKA會唔會咬人同埋有唔有善....我好坦白咁話佢知...KAKA實在係太FRIENDLY...又唔知自己咁大件..佢叫到大人會跳起KISS人架..不過唔會伸脷~~~



個男人竟然唔驚.....仲要同兩個仔一齊入黎....入黎前扔左個波入面...KAKA一個唔該就擔住左....點都唔肯放...唉...仲要一哎住...個波仔就穿左...漏唒氣...



KAKA: 除左波...我就最中意追單車了~~~

我見到真係有D擔心.....好怕KAKA嚇到個O靚仔跌落黎....



KAKA: 我亞媽係咁叫我斯文D....唉...好煩..自己玩波仔好過....呢個波大個我玩開個D好多呀~~~~~~



KAKA: 你地唔好黎搶呀~~~



KAKA自己玩緊既時候...個小朋友就去撩佢....哈哈~~~



KAKA: 哎呀...你唔好追住我啦...我係唔會比番個波你架~~~



KAKA: 亞媽..佢係咁追住我呀~~~~

KAKA係咁避開個細路.....見到就攪笑~~~~



KAKA: 你想點呀....我好熱喇....你唔好再追住我啦...你有咩整親我亞媽會鬧屎我架~~




KAKA: 你追我唔到~~~嘻嘻~~



個小朋友冇波玩...竟然...執起左KAKA個波撩KAKA玩~~

KAKA: E...你做咩拎左我個波仔呀~~~



KAKA: O個個我平時成日都有得玩.....都係呢個新鮮D~~~我係唔會同你交換架~~



見KAKA愈行愈慢....就係時候番屋企了~~~唔係KAKA中暑就不得了~

走前..我拎左KAKA擔住O個個波仔去問個男人幾多錢...賠番比佢..O個個男人話唔洗喎...再同佢傾多幾句.....因為佢係第一個黑人唔怕KAKA..仲敢同KAKA玩...

佢話...O係黑人既社會...狗O係要黎保護主人既....大家都會覺得....D人O係訓練D狗黎咬人咁喎....

嘩..........唔怪得知佢地咁驚KAKA了~~~



沒有留言:

發佈留言