:+:+:2011 馬爾代夫DAY 2 甜蜜看日落!!!!:+:+:

踩完轉水上單車...洗個白白....(丫...喺馬代的日子...真係日日洗N次白白的~!!)

就去左ISLAND CLUB食個LUNCH了~!!

好好味青豆湯~~

 SALAMI包包+薯條~~

雖然ISLAND CLUB呢度食有冷氣..但係個LUNCH真係唔係好岩胃口..我地食左一次就冇再黎食LUNCH了~~

RASPBERRY SORBET!!

 食飽飽抖一陣就落雨睇魚魚~~

大少唔覺唔覺愈游愈遠...手拖手捉住魚魚游游游真的好開心~!!

佢去曬太陽時我就再練練....唔係講笑...

件橙色浮浮衫真係好浮架~!! 唔潛入水底就覺得好大浪...唔扶實屋仔條樓梯個扶手好似沖左去島仔中間~~ (好樣衰架嘛~!!)

呢邊貴價一點的屋企水屋...物有所值...水比較深~~~唔洗行一大輪先潛丫~~

(講黎講去..雖然比錢比得有丁丁肉痛..但係我地都超滿意~!)

我上水抖抖...陳大少游呀游....我拎住長鏡頭都唔見佢丫~!!!! (你地見唔見到佢~??)

仲要見到遠遠有船...好驚呀~!!!!

佢番黎時話...佢潛左落去拍片又影相仔....都唔知自己游到咁遠...

嚇死人了~~~~人地話欺山莫欺水呀~~好多時候...自以為熟水性的降低左危機意識...就仲危險~~!!

洗個白白..就去左ISLAND CLUB TEA一TEA~~

都係自助的...

呢日食左件好好味的椰子班蘭蛋糕~~~超好味~!!

仲要邊上網喺FACEBOOK同大家報平安

真的...平時大家番工忙, 少左時間日對夜對...

呢個馬爾代夫8日遊...真的可以增進感情~~

一個大好的機會...又可以由頭講一次兒時趣事...(我細個好悶的..因為我實在太乖了~!呵), 大家如何比父母打~~ (對對對..我地都係被打大的小孩~!), 小時候同學仔之間的趣事...到到...大家的夢想~!

很感恩....我倆性格雖然好不同, 但係亦出奇地夾得黎...價值觀..夢想...理念都係一樣~!

我夢想係唔洗做, 買野唔洗諗..(買屋買地買咩都唔洗諗!)

佢夢想係30歲前退休, 麻煩的事情全部都唔好煩到佢, 同埋...食軟飯~!!!

夾到呢~~~~哈哈哈~

日落就番屋企睇日落...

上左去二樓的陽台仔睇~~~

好寫意...

番香港時仲專登買左個腳架呢~!!嘻嘻~~