:+:+:享受生活。涼粉子:+:+:: :+:+:2011 馬爾代夫DAY 2 練習水中吸氣!!!!:+:+:

2011年5月31日星期二

:+:+:2011 馬爾代夫DAY 2 練習水中吸氣!!!!:+:+:

一起身對住個海真係好爽呀~!!!如果唔係唔敢空肚落水...真係會第一時間跳落去..(我會著左我件橙色浮浮衫先~!!)

屋仔入面有冷氣啦當然, 但係打開個玻璃門, 有啲鹹鹹濕濕 (咪心邪~!!) 的海風吹入黎...個感覺好度假呢~!!

由得大少比海風吹醒就起身去ISLAND CLUB食個早餐了~~

呢度人少少..清清靜靜...舒舒服服唔洗REEF嗰邊自助餐咁多人...又有自由行..又有玩到癲唒的小朋友~~呢邊...更二人世界FEEL~~~

泳池都冇人...打算食飽飽行一陣落左格就黎練練水中呼氣..

椰林樹影, 水清沙幼~~~

島仔屬中型島...大約20分鐘就完成一轉環島遊~~

呢啲都好玩啵~~

又係因為JOIN左ISLAND CLUB...水上玩具任玩~~

番自己間屋仔換左衫衫...搽左防曬就係時候出動去泳池練呼氣....

大少影影影~~

我在水底影影影....好滿意部OLYMPUS呀~!!

咁人地第一次浮潛丫嘛...支管入左水好驚架~!!!練習吓都好正常吧~~

抖抖時都叫杯果汁....實在係好爽~!!

丫... 雖然係超級全包.. (當然有啲係唔包的啦~!)..但係基本旅遊禮儀...ORDER飲品/食左餐飯/朝早打掃房間/夜晚酒吧飲野......總知有好服務我地都會比小貼士服務員, (我專登換左3千美金...費事大少話想用錢冇錢用..行出行埋面懵懵..樣衰衰咁...人地SERVE得開心...我地又玩得安心~!)