:+:+:享受生活。涼粉子:+:+:: :+:+:碗仔翅:+:+:(附食譜)

2012年5月14日星期一

舊時的掃街王子陳米有時會講起小時候掃街食食食…..我就會諗起…有一次…好好笑~~

講起生菜魚肉, 碗仔翅, 臭豆腐, 煲仔飯, ……..我話..我冚罷爛都未食過…

小時候第一次一齊番HK….佢帶左我去廟街食煲仔飯同埋蠔餅…..呢個經歷一D都唔好….

O個度又多人……蠔餅一堆油……煲仔飯個煲…..唉….

最慘係我仲要著到靚靚咁…簡直係惡夢~~

我好似…冇食到就發睥氣走左…

唔係D野食O既問題…而係…你要同我講聲丫嘛..等我有番多少準備…著番對波鞋仔..唔洗跣丫..

..大少應該係怕鬼左我….…所以……到今時今日….我仲係未O係出面食過生菜魚肉, 碗仔翅, 臭豆腐…..

不過亞大少有日唔知睇開咩電視….講起碗仔翅….

第2日….佢放工番黎…我就預備好左….佢打開之前點都唔會估到係碗仔翅喇掛….哈哈~~

材料:

瘦肉 – 100克 (飛水洗淨預用)

木耳 – 2朵 (浸軟後切絲)

粉絲 - 2飯碗 (浸軟後剪碎)

冬菇 – 6小隻(浸軟後切絲)

雞蛋 – 1隻 (打散備用)

調味:

胡椒粉+老抽+鹽+糖+生粉+麻油

做法:

1. 滾水落瘦肉+冬菇絲中火煲15分鐘. 瘦肉撈起拆絲備用.

2.下木耳絲+粉絲+瘦肉絲, 滾起後落調味及煮至杰身~

熄火, 食得~

落小小醋食就好味唒了~~陳米話個味真係好碗仔翅呀..不過屋企自己整...足料好多喎~~

我間唔中都要整,因為係K嘅飛佛
[版主回覆01/16/2013 21:52:20]其實都幾好味的!~~

又真係好多年無食過碗仔翅喇！
[版主回覆05/15/2012 20:30:02]整下啦...好易JA~~~

好足料呀
[版主回覆05/15/2012 06:06:24]自己屋企整丫嘛..幾時都係足料D~~

咁多料真係好正！
[版主回覆05/15/2012 04:05:06]啖啖都有材料又真係好味d~

我從來沒有到過廟街食東西。不過，看見你碗仔翅的材料，應該好味道。
[版主回覆05/15/2012 04:05:31]嘻嘻...你同我一樣~~^_^...都幾好味的~~

2012年5月14日星期一