:+:+:芝士西芹雞柳焗意粉:+:+:(附食譜)

屋企雖然得2個人一隻卡~~但係兩個櫃常滿之餘....連廚櫃都係塞得滿滿的....

有陣時唔知食咩好....睇O係冰格拎D野出黎解凍...簡簡單單一盤焗意粉.....都算係有菜又有肉架~~有時真係冇咩力煮3餸一湯啦架嘛~....

1. 雞肶肉切條+鹽糖胡椒粉麻油生粉醃一陣~
2. 蘑菇切片, 洋蔥切條
3. 西芹斜切
4. 燒熱鑊落少少橄欖油, 燒熱後落3 落去炒一陣到聞到味, 撈起.再落1+2去炒一陣
5. 到到雞肉開始有D金金黃黃色就落白酒(我落1/3枝)~
6. 白酒汁滾起後落DOUBLE CREAM+MIXED HERBS, 滾起就轉慢火~
7. 用另一個PAN烚意粉~烚到8成熟就要撈起瀝水~
8. 忌廉汁轉大火,落西芹, 落鹽+少少雞粉調味
9. 滾起落埋D意粉, 到到再滾起就可以熄火~
10. 焗爐預熱, 放意粉落焗盤再加芝士碎, 焗到芝士金黃色就食得~