:+:+:青咖哩茄子炆鴨:+:+:(附食譜)+涼粉家晚餐(17.10.2012)

屋企冰格有半隻鴨....

唔知點整好...

見咁O岩買左茄子番黎....加埋早排見到超市有得賣o既青咖哩醬...

嘻嘻~~~可以整青咖哩了~~

上次食青咖哩都好似係O係馬爾代夫honeymoon o既時候~~~ ...

平時出街都係食日本野多...

大少又麻麻O地咖哩..又唔喜愛香料....(係..佢真係有D麻煩的~~)

所以..我連會食到失控O既黃/紅咖哩薯仔炆雞翼都少整了~~~~

材料及做法:

鴨 - 半隻, 切件~

加入胡椒粉+鹽+糖+生抽醃好~

白蘑菇 - 8粒~
茄子 - 1個 ~
紅洋蔥 - 1個~
白洋蔥 - 半個~

切粒~

綠咖哩醬~

鍋加入少少油後炒香鴨件~

盛起~

炒香洋蔥粒~

炒香茄子粒~

加入蘑菇粒略炒~

加入綠咖哩醬炒香~

鴨件及洋蔥回鍋~加入少少水~煮滾後轉細火炆15分鐘~

加入椰奶, 大火煮滾後熄火焗15分鐘....調味即可~~

哈哈哈.....碟頭飯.....哈哈哈~~~~~真係好小可的~~~