2013年9月27日星期五

:+:+:雜菜牛尾湯+:+:+:(12.09.2013)


呢個雜菜牛尾湯係涼粉家常客, 英國牛尾新鮮又抵買, 一PACK大約都係70蚊港紙, 湯又濃又好味之餘湯渣我都會食!! 當然, 最開心的係飲湯同食湯渣的KAKA啦~


每次都會落嘅材料當然有牛尾, 番茄, 西芹, 薯仔, 紅蘿蔔, 蒜頭啦~
有時睇吓咩材料就手, 紅菜頭, 椰菜花, 三色椒, 椰菜都好啱味呢~~!!!

材料要炒一炒過先煲就會出味而唔會溶唒!

丫...我一直都係加滾水煲湯...
不過媽咪上營養師班先, 老師話煲要凍水煲呀~~所以我呢排都係落凍水煲了~~

大火滾起後煲個半鐘頭就有得飲喇。。。

涼粉家就係隔好唒渣到到飲時先落鹽的。。咁煲湯飲唔唒的話再煲番熱時就唔會愈煲愈鹹了~

好耐冇整叉燒, 一整整多D。。。(冇拎唒出黎啦!拎唒出黎大少就食唒架喇~!)
呢餐仲有紅咖哩雞煲同埋蒜蓉炒菠菜~!

開飯了~!!

14 則留言:

  1. 我煲湯一向都係凍水落料架^o<
    好豐富嘅三餸一湯呀,正!

    回覆刪除
    回覆
    1. 我唔係架...之前諗住落熱水快D滾起丫嘛...中藥同涼茶就會凍水煲~~

      刪除
  2. 好似好多工夫呢!真犀利,放工後都有三餸一湯,白飯任裝,陳大少真幸福!

    回覆刪除
    回覆
    1. 唔多功夫架...邊切邊洗邊炒好快呢...

      刪除
  3. 大豐富了
    70蚊?一次過用晒? 咁好貴喎

    回覆刪除
    回覆
    1. 平時湯飲一晚..呢個飲到兩晚呢...同埋...好多年前喺APITA同吉之島見一PACK PACK的牛尾都過百了...呢邊應算好抵買丫...

      刪除
  4. 我好少凍水落料,一係煲滾咗落料,一係就落熱水煲湯呀!

    回覆刪除
    回覆
    1. 我之前都係架~!!不過話凍水同材料一齊煲有益啲喎~~

      刪除
  5. 我全部凍水落料,除了煲西洋菜湯,一定熱水先落菜,如果唔係d湯會苦嘅!

    回覆刪除
    回覆
    1. 丫...我好耐冇飲西洋菜湯了~~~超LIKE!~!!

      刪除
  6. 等大豬小姐放假返嚟,我都整呢個雜菜牛尾湯佢歎吓!

    回覆刪除
  7. 如果無牛尾, 用牛展都好味架, 我媽咪覺得牛尾"酥" d, 所以鍾意煲牛展雜菜湯.
    凍水落料同熱水先落, 味道是否一樣?
    我都係加滾水煲湯呀, 點解唔好?

    回覆刪除
    回覆
    1. O...媽咪講完我唔係好記得..應該大約係因為凍水落...材料同湯水同一溫度加熱....應該係會出味出營養啲...唔會一黎就高溫殺死左營養....我估~~XDDD

      又真係未仲過牛展煲呢..之前朋友話要減肥就唔好飲骨湯....我仲諗緊點算好~~~謝謝你介紹呀!!!

      刪除