2013年10月17日星期四

:+:+:川辣蝦球(附食譜):+:+:涼粉家晚餐(10.10.2013)


其實我地去完旅行番黎之後我係有煮飯架...不過...想清咁啲旅行post先丫~~
之前(其實都係 兩年前了~)喺TIMESQUARE洞庭樓食過呢個餸...
覺得好食..不過多油....但係一直想整....
咁啱呢晚唔知煮多個咩餸好...就一於試吓啦~~~


材料好簡單:
急凍蝦仁 - 12隻 (解凍後洗淨印乾水)

一隻雞蛋+1湯匙生粉+一湯匙油+少少鹽+少少胡椒粉拌勻 (唔洗好勻都ok架~~)

蝦仁加入蛋漿~

拌勻~

中大火燒熱油~ 加入蝦球炸至金黃~

隔油~

辣椒油+花椒油+花椒粒+指天椒粒+少少鹽炒熱~
加入蝦球炒勻~

完成了~~~

開飯了~!!


仲有榨菜粒蒸五花 + 蒜蓉炒椰菜 + 川辣蝦球

呢個蝦球大少話覺得幾好...麻比辣重... 又幾夠鹹香~~
可以再煮呢~!!!

呢個就係之前出去食的川辣蝦球了...好好味不過係比較多油~~~

自家制就更係就住...盡量少油啦~~

19 則留言:

  1. 睇見都令人流口水,好似已經"聞"到香口辣椒味,真係太吸引呀!

    回覆刪除
    回覆
    1. 你都整啦整啦...除左要炸麻煩少少之外...好易的~!! O...你都鍾意食辣野~?

      刪除
    2. 鍾意,不過食辣程度只係BB班 ^^

      刪除
    3. 慢慢慢慢就會愈食愈辣架喇~~~

      刪除
  2. WA!好似好惹味!想食呀~

    回覆刪除
  3. 正呀,秋冬食依個餸,辣辣地開胃呀!!

    回覆刪除
    回覆
    1. 真係丫..呢幾日凍左好多....即時好想食辣野~!!!

      刪除
  4. 好正呀, 我之前都煮過, 好好食 !

    回覆刪除
    回覆
    1. YEAH!!! 仲要係一個好快手嘅菜式呢~!!

      刪除
  5. 回覆
    1. 其實真係唔係好辣架咋...麻比較重~XDDD

      刪除
  6. 放工時已跟你會食譜買了材料了 :)

    回覆刪除
  7. 涼粉子:
    ~依家你個邊啲天氣, 係咪涼涼哋?? 食辣蝦球, 好貼切呀!!
    ~係街食, 永遠都係油多, 自己煮. 點都健康啲!!

    回覆刪除
    回覆
    1. HELLO VICKY,
      呢邊涼左好多丫..前日起身得5度..但係呢兩日朝早又有14/15度...
      你地嗰邊呢~??
      自己凍凍地真係好想食辣野呢~!!!自己煮..油可以少..我又從不落味精..(不過有時會落雞粉)..真係點都健康啲呀~!!!

      刪除
  8. 回覆
    1. 但係呢幾日朝早又有成15度了....哈哈哈...差好遠呀~!!

      刪除