2013年10月4日星期五

:+:+:涼粉家星期天:+:+:(22.09.2013)



如果唔係好唔願出街的話...我同大少星期日一般都會出去行吓街同埋舒舒服服撐檯腳食番餐...
如果有時預左留喺屋企打邊爐又或者叫外賣PIZZA又唔同...OTHERWISE..都係出去食..
星期日一般都係免煮日~




又慣性7點起身,先拍走卡毛,再浸左臭豬卡的床單枕袋,馬上再帶邊監工邊咦咦哦哦話要去街的卡卡去晨運,番到黎再開機洗衫,再要洗碗!好在有自動吸塵機!睇黎要買埋洗地機同埋洗碗機分擔吓家務了!丫,不過邊度咇啲位出黎放洗碗機呢?

卡卡豬的床單被袋枕袋好DIRTY呀~!!!!

之後叫醒大少...丫...叫醒佢之前..
我通常都係自己換好唒衫..化好唒妝
就幫佢準備好出街的OUTFIT...
即係上身, 褲褲, 襪子...(呢樣野..係因為以前..有時佢襯好左唔啱我心水...出街時會愈睇佢愈唔順眼..XDDD...)
佢咁擦牙洗面後就會揀戴咩眼鏡..(其實都係得幾副咋~) 同埋問我襯咩鞋仔好~~
 
好快就出得門口了~!!

本身好想去船船飲..不過見到條路好塞車..即時轉左去新世紀~~

蛋撻仔...陳大少食親呢個都會叫我試吓整酥皮蛋撻仔...我之前淨係整過牛油皮咋~!!!!
大家有冇易做又簡單的酥皮食譜~??我淨係想要個酥皮食譜就OK架咋~!
先謝過大家~!!

我勁愛食芋角丫~!!!

好鍾意小籠包的大少...雖然明知呢個冇得同香港高水準/...成個水彈咁樣的小籠包比較..不過...次次都會點黎食解解癮~~
我玩麵粉好差....所以...都係唔好攪我了~~XDD

馬拉糕唔係好甜好好味~!!

炸兩~!!

明蝦角...次次食親沙律明蝦角都覺得好懷舊的~!!

鹹水角....(有人投訴話我叫極都唔整....唔...呢排真係好忙丫嘛~!!)

生煎菜肉包...之前整過臘腸卷..應該用番同一個份量黎整包就可以...得閒啲一定要整整~~!!

咁樣卷住..個包唔會太厚..我幾鍾意啵~~!!

飲完茶就順手去中超...再去埋超市...
冇人在家時KAKA訓到豬豬咁...
我地一番到屋企佢就會起身架喇...
不過仲係一舊飯咁~!

夜晚又整個超快手煎牛扒就OK了...個人喺廚房準備唔會用多過15分鐘...

又快又好味~!!

呢晚睇左兩套電影呢~!!!

18 則留言:

  1. 水準唔差吖,總好過無得食^^

    回覆刪除
    回覆
    1. 仲要近屋企..大約20分鐘車程就到...好good!

      刪除
  2. 飲茶食沙律明蝦角真係好懷舊, 宜家係香港酒樓都好少有得食喇.

    回覆刪除
    回覆
    1. 係呀..我喺香港飲茶時都好似冇咩見過佢了~

      刪除
  3. 我好似未食過沙律明蝦角....想食呀~

    回覆刪除
    回覆
    1. 一般的沙律明蝦角都係好足料, 啖啖彈牙蝦蝦架~!!!你見到有真係要試吓呢~!!

      刪除
  4. 你嗰豎揾地方飲茶食飯都好方便喎!

    回覆刪除
    回覆
    1. 係呀...就算坐火車china town都係大約40分鐘...外圍得黎又算方便..location我好鍾意..不過就係搵心水屋仔有d難...好多都係維多利亞式...再唔係新建的就係flat仔...新屋冇車房仲要好多都係3層~~>_< 頭大了~

      刪除
  5. 我一直以為你有dishwasher先成日煑d咁繁複嘅餸!! 原來你要自己洗碗!
    洗卡卡床單都消耗唔少calories !!

    回覆刪除
    回覆
    1. 卡卡床單我浸咋...浸到冇痴住毛毛就扔機洗了...
      嗚嗚...冇洗碗機架~>_<..倫敦apartment仔細細...其實同香港啲屋嘅size差唔幾架咋~~

      刪除
  6. 我都正想問.... 你唔係個個禮拜手洗Kaka啲床單嘛!!?? 好辛苦架喎!

    我唔鍾意用洗碗碟機, 放之前又要沖水, 又要攞番出嚟, 而且好似用多啲水..... 我鍾意手洗, 不過我無你咁常煮飯, 一個星期都係洗三兩次, 易攪好多.

    回覆刪除
  7. 涼粉子:
    ~兩個人生活, 由其是係weekend, 就可以很隨意都得. 雖然, 英國or 加拿大, 無好似香港咁多姿多彩. 但飲下茶, 買下餸. 兩個人一齊, 感覺簡單節目都很寫意. 你哋好識enjoy 生活!!
    ~你係英國, 飲間chinese restaurant 水準都不錯!!

    回覆刪除
  8. 我鍾意 KaKa 張頭大身細相,個樣 on 居居,好攪鬼!
    D點心個樣都幾 authentic, 早知上次去 London 都試下啦!

    回覆刪除
    回覆
    1. 嗰時老公係荒島工作,幾個月無食過中餐,去到 London, 勁想飲茶,但又唔敢亂食嘢!

      刪除
    2. 做咩唔敢~??LONDON的都OK架啵~!!我小時候讀寄宿...餓湯餓到半夜3點幾起身自己煲番茄薯仔牛肉湯...(房間係唔比食野的...煮就更加唔得)..諗起都覺得自己好大膽~!!

      刪除
  9. READY好晒先叫醒人, 你好體貼~~

    回覆刪除
    回覆
    1. 我怕左佢黑面等我個衰樣丫~XDDDD

      刪除