2013年10月5日星期六

:+:+:雞札:+:+:(附食譜)


有一晚...想整點心做晚餐...呵呵呵...
成晚最滿意的...係呢個雞札呀~!!


之前幾日先發現屋企一粒冬菇都冇丫...
之前媽咪細佬喺香港運過黎的...竟然咁快食唒~!!

愈冇冬菇就發現好似真係煮咩都要冬菇咁~

唯有用罐頭的頂住先~!!

豬皮- 2件 (屋企魚肚食唒...用左豬皮...一樣好吸味, 之前發好左..份左少份放左入冰格, 要用時好方便~)
雞柳連皮 - 2件
札肉 - 2件 (小時候食我雞札舊火腿係我最愛..呢幾年好多酒樓用左蟹柳..好難食~!!自己整冇火腿落左札肉, 似火腿咁爽口..好好味~!)
芋頭 - 2條 (記憶中雞札好似冇芋頭的...但係鴨腳札入面的芋頭又確係好味...所以加埋) - 芋頭我先蒸左大約10分鐘架~!!

所有材料加少少生抽+鹽+糖+麻油+胡椒粉拌勻~


腐皮用濕布抹乾淨~~就可以加入以上的材料~

捲好~~(今次大成功,下次要整定多少少放入冰格,咁有人半夜想食中式點心做宵夜都多個選擇了~!)

加入蒸籠蒸10-12分鐘至雞柳全熟即可~

其實真係幾好味~~如果想更似酒樓可將個汁加生粉水煮杰少少...
不過涼粉家一向對埋獻有少少抗拒~~
所以可唔埋獻我都唔攪的了~~(嘻..又洗少個PAN又健康啲~!)




21 則留言:

  1. 我都鐘意自己整雞扎食呀!

    回覆刪除
    回覆
    1. 我都係第一次自己整咋..又簡單又好味~~食得好開心~!

      刪除
  2. 嘩,你好誇張,雞扎都自己整!個樣都真係好正嗰,我估我都鍾意豬皮多過魚肚。

    回覆刪除
    回覆
    1. 我豬皮魚肚都愛~~呢個好易整咋...撈左味之後一捲就蒸得~好好味~

      刪除
  3. 下次browse你個blog會唔會見到你炸油炸鬼,再蒸埋腸粉嚟整炸兩𠺢?!
    睇嚟大少要整定張家用點心紙,想食咩tick咗比你就有出爐點心食!
    堅呀!!!

    回覆刪除
    回覆
    1. ...涼粉家真係有火鍋/韓燒/日燒點菜紙架...點心紙嘛...等我整多夠50款點心就可以拎出黎見人了~~嘻嘻....

      我都好想整炸兩呀~!!!!!

      刪除
    2. 勁呀!! 唔好講笑,我朋友父母住 Luxembourg 太掛住中式食物,早幾年買埋蒸腸粉機係屋企玩!

      刪除
  4. 回覆
    1. 係~???我見過有粟米芯同露荀咋~~~不過雞札入面的芋頭..吸左味真係好好味呢~~~

      刪除
  5. 回覆
    1. 10級簡單丫....今次成功左..又可以整多啲放冰格~~^_^

      刪除
    2. 何媽,我去唔到你家留言,因為你係Google+ 啊!

      刪除
  6. 終於搵返你, 仲一o黎有食神!! 唔食到都睇下~~正!!

    回覆刪除
  7. 睇到都好好味呀~我唔客氣啦

    回覆刪除
  8. 雞札呢度都唔係間間有得食=_=

    回覆刪除
  9. 自己整真係真材實料好多!!!
    你係英國真係乜都買到,好勁! 勁過香港!

    回覆刪除