2014年4月23日星期三

:+:+:蒜蓉排骨雲耳蒸飯:+:+(涼粉家晚餐22.04.2014)


本身麻麻地蒸飯的陳大少...呢排竟然話蒸飯吸收左肉汁...更加好味喎~~!!

YEAH!! 咁我就可以整多啲喇~!!!

 

買左盒幾好的排骨...唔會啲粗啲幼

又可以粒粒都有骨~~ 排骨真係要有骨先好味架嘛...

今次淨係用左半排~~!!

排骨大約400克

斬開一粒粒之後浸清水大約15分鐘

英國豬肉肉燥味犀利所以咁樣處理左先會好味好多...

出黎的排骨亦會比較白淨~~

不過嫌麻煩就可以跳過呢個步驟啦~!


雲耳- 隨量~ 清水浸軟後洗淨隔水

呢個牌子的好好味, 真係夠厚身!!


浸好的排骨洗淨隔水~


蒜蓉 - 半湯匙


雲耳隔好水~


排骨加入蒜蓉, 鹽, 糖, 生抽, 胡椒粉


加入雲耳拌勻~

醃最少半小時啦~

我係之前一晚得閒就醃好放左入雪櫃~~ 


先蒸飯 - 100度15分鐘
 
呢個時候可以加少少麻油同生粉拌勻排骨
 
食時就更香滑了~
 
再加入排骨蒸多10分鐘就食得了~!!!
 
加少少蔥花同埋甜豉油就更好味~ 


是日晚餐: 番茄雜菜牛骨湯+炒滑蛋+蒸西蘭花+ 蒜蓉排骨雲耳蒸飯


開飯了~!!


好耐冇整滑蛋...冇啦啦好想食呢~!!!


6 則留言:

  1. 回覆
    1. 係呀~~時間易控制又唔洗睇火..又唔會一身油煙味~ XDD

      刪除
  2. 涼粉子:
    ~蒸爐都幾大, 可以把成個LC 入爐. 蒸飯, 啲飯香好多
    ~我又係間唔中就想食滑蛋, 但啲滑蛋又整得幾好!!

    回覆刪除
    回覆
    1. 真係入到26CM LC...我買蒸爐之前都冇預佢入到呢~!!! 蛋真係好好味架~~甜又得鹹又得..不過唔食蛋黃我又唔願...所以都係少食~~

      刪除
  3. 食住家飯真好,陳大少好有褔!

    回覆刪除
    回覆
    1. 謝謝你呀~~ 希望佢身在福中又知福啦~

      刪除