2014年4月24日星期四

:+:+:4月的五日四夜小差:+:+:


4月頭本身要出3日兩夜小差上CHESTER 開會~

不過老細臨時想我幫佢開埋佢個會....(咁都得?)

所以就由三日兩夜變左做五日四夜了~!!

出差前一天整左個燒牛肉餐比陳大少~~


淨番的幫佢切左片...等佢可以加沙律菜要黎夾法包~!!


 
 當然都有準備比KAKA豬啦...有蒸魚魚同牛肝, 仲有蛋蛋同菜菜..

咁我唔喺屋企佢都有新鮮野食丫嘛....

不過呢度當然唔夠佢食咁多日啦...

佢的最愛ORIJEN魚魚乾糧就可以頂上喇~!!


仲準備左一盒豉油雞中翼比大少 (放上網就比英國朋友問起邊度有雞中翼賣了)

其實呢度係兩盒雞全翼黎架....小雞鎚要黎比KAKA..

雞翼尖我冰起左...(要黎做椒鹽雞翼尖黎做副餸都幾好丫~!!) 


有人見到就話唔夠食..

即時買多兩盒雞全翼番黎 ....又再汆水又再浸~~

出差第一晚有人就話佢空口食左一盒了~ (就係圖中嗰盒~!!! 我.....其實係預黎比佢食麵時多個餸架囉~!!!!!!)


朝早出門口時...KAKA見我同平時唔同...(雖然行李一早由另一同事車左上去CHESTER)

但係佢見我屋企行黎行去..就心知不妙....

佢喺度阻頭阻勢...又跟住唒咁~~~

我就比左夠燒牛肉佢啦...佢食時我就出門口了~~~

雖然卡卡都大大粒...不過好嗲架~!!


火車上的早餐~~ 就係好似飛機餐咁啦~~


第一晚同個同事去左食印度任食餐...把鬼~!! 不過佢上食就是但啦~!


第二朝的酒店自助早餐...食得開心好多~!!


第二天開完會....見好天就出左酒店花園打比涼粉媽....

呢間酒店我幾鍾意的..唔係大型的好工式化的酒店..不過勝在咩都有咁~!



之後同同事們約好左去行轉CHESHIRE OAKS OUTLET....

之後就番番去CHESTER市中心的青口餐廳Moules a go-go食個晚餐....

其實我好想食一大盤青口架..不過同同事食嘛...

點都要保持儀態...

食個海鮮意大利飯飯就算~~~

好好味架~


甜品係
櫻桃醬杏仁碎雪糕配窩夫

真係勁好味~!! 暖暖地又凍凍地咁...櫻桃醬唔太酸又唔太甜~


其實在OUTLET冇買太多....


見今年興呢種扁身的包包...見我又冇...又價錢好...就買左一個~


番到酒店都仲要趕文件回電郵架...

唔覺唔覺做到夜媽媽...點算好~?

好在我有準備杯麵仔比自己架~!
 

第3天早餐....


 呢度都係工幹人多...冇咩見過一家人黎玩的~~


其實日日開會..但係好準時散會的.. 4點半前都一定會番到酒店~~

唔悶架...

可以去游個水水~


羅馬式的泳池同炸咕池好正...梗係仲有桑拿同蒸氣房啦~~~

最好係....人少少~~~~


再抖一陣就去黎一個ME TIME.....

其實出差期間我唔介意自己抖抖..自己同自己食個飯~~

酒店的餐廳~~




嘻嘻~~~


好好味的辣味海鮮濶意粉~

仲有簡直就係驚喜的甜品~~!!

香蕉梳乎厘配蜜糖脆脆雪糕,仲有拖肥汁配焦糖香蕉!好味得黎唔太甜,邊食邊傻笑!!!
 

好好味~!!


番到房間仲可以做腳腳去死皮MASK....


第4天的早餐~






早左開完會...同媽味傾陣電話...





等到BLOG友仔黎到酒店接我...我地就去左CHESHIRE OAKS行街街了~~~

之後去左WAGAMAMA食拉麵~~

貪得意叫左隻TEA STAINED EGG, 茶漬蛋...

估唔到佢咁醜樣呀~!!


叫左個招牌拉麵~~ 都OK啦~!!


開開心心傾傾傾講講講左一大輪....朋友仔有要事要走先..

送左我番酒店先...

咁見有時間....


一於去嘆吓啦~!!


做左個全身磨砂加按摩~~~

 

之後見有時間...(哈哈哈~~ 酒店餐廳未關門呀~!!)


又食多轉之前一日講得真係好好味的甜品~~!!

最緊要係..佢唔太甜丫~!!


同陳大少傾電話時....佢驚覺涼粉子真係好強大....

估唔到北上出個小差都竟然安排到BLOG聚呀!!! 哈哈哈~~

呢個第一次見的BLOGGER真係好客氣....送我泰國買回來的醬料及粉絲...仲有羅漢果呢~!!

真係好感動呀~!!

謝謝你呀~!!


最後一日了~~!!


食左個早餐就飛的的去開會...

開會途中.....見到有英同威爾斯文的東東...

我之前一直都以為威爾斯文係同英文差唔多....

呢幾年出開小差黎呢度...先知.,....

真係完全另一種語言黎架~!!


呢個係LUNCH MEETING... (我自己安排的當然係就番自己時間啦...)

食埋個LUNCH...(其實早餐都仲未落格...哈哈哈)

LUNCH係香蕉PANCAKE配雪糕...

HOLIDAY INN開會就喺HOLIDAY INN食埋...

一啲都唔好味囉~!!!


食飽飽就準備坐番火車番倫敦了~~!!


10 則留言:

  1. 個疏乎厘真係正到無朋友,有機會一定一定要試下!

    回覆刪除
    回覆
    1. 真係超正~~你見我連食兩晚就知啦~

      刪除
  2. 你個新BACKGROUND好CUTE呀!
    BLOG友仔對你真係好好。

    回覆刪除
    回覆
    1. 係...BLOG友仔真係超SWEET...其實我好好彩的..遇到好多好BLOG友同谷友~!!!

      刪除
  3. 涼粉子:
    ~出去工幹, 係工事上和行李上, 已經大把嘢準備. 你還準備咁多food 比大少.
    ~大少有無幫你清晒??
    ~你日日打比香港媽咪?? 去到工幹都打!! 仲揀埋啲環境傾, 傾都可以傾耐啲, 舒服啲.
    ~你好識錫自己, 做spa, 去游水, 食好野﹐去shopping. 工幹得黎好享受!

    回覆刪除
    回覆
    1. 唉...陳大少..我比佢激死..佢頭兩日就食唒我幫佢準備的食物了~!!!!!!

      我真係差唔多日日同媽咪傾電話的...就算冇傾都會WHTSAPP吓咁囉~! 開喺房開左成日會...吸吸新鮮空氣個人都舒服好多呀~!!!

      嘻嘻~~..自己梗係要最錫自己啦~~ :)..要BALANCE呀嘛... 嘻嘻~~

      刪除
  4. 真好呢 ~ 重點是對方的心意,你位blogger朋友真好sweet。

    回覆刪除