:+:+:胡椒鹹菜豬肚湯:+:+: (附食譜)

幾時都係...自家制的零舍足料~! 落左胡椒粒+銀杏+腐竹+瘦肉+豬肚~ 香濃好味又辣辣地~

好適合呢排倫敦乍暖還寒的天氣呀~~~

有時太陽伯伯落左山.. 呢度可以有成十幾度溫差架~!!

材料及做法: 

清水將枝竹浸至軟身~

白果係涼粉媽喺香港買的.. 因為白果易變壞, 所以放左喺冰格

用時用清水略浸... 去殼去衣就OK了~~

急凍豬肚 - 先用薑+鹽水汆水, 隔水後用鹽擦後沖水..

再用薑+鹽水汆水, 隔水後用生粉擦後沖水..

再用薑+鹽水汆水, 隔水後用鹽擦後沖水隔水備用~

浸軟後的枝竹切段~

鹹酸菜 - 一包~ (大約300克?)

洗淨後切塊~

白胡椒粒大約1.5湯匙~

汆過水的瘦肉 - 一件~

所有材料加入清水~~

大火煲滾後轉細火煲1.5小時即成~

熄火調味~

完成品~

又係時候開飯了~!!

是日晚餐: 蒜蓉炒學斗白菜仔+薑蔥蒸海鱲+灸焰三文魚+胡椒鹹菜豬肚湯

除左個湯係我煲之外.. 其他的餸菜都係聲控陳大少整架~!!!

YEAH!!!! 耐唔耐分工合作食個晚飯更開心~!!