:+:煮飯仔+ TIMES SQUARE雲陽:+:

呢日喺太古飲完茶就去APITA行陣買個餸....

見到呢個幾得意的浸腳膠套... 129蚊好似幾抵玩..

不過又好似太淺.... 如果可以浸埋小腿就更好了~~~

去APITA買餸係涼浸浸的.. 不過選擇就似乎唔係好多...

菜菜唔係好買得落手...

反而一包包日本真空菇仔我就買得多...

易配搭得黎又新鮮好味~~ (最緊要係.. 企理又冇泥丫嘛~~)

次次喺APITA..都會忍唔到手買呢個椒鹽魷魚鬚...

一來英國唔自己出手的話唔多機會會食到~~

二來... 椒鹽魷魚鬚好童年飲茶回憶呀~~~

宜家好多酒樓都好似冇做呢樣點心了~~

煮個飯飯先~~~

椰香咖哩豬扒 + 韭菜肉碎本菇炒蛋 + 冬菇雲耳法國春雞~

食飽飽第一餐飯....

又係時候出動見見朋友仔~~

朋友仔揀左TIMES SQUARE...

一去到見到太陽號...

如果陳大少有番黎就一定好開心喇~~!!!

丫... 行去TIMESQUARE途中見到何超蓮... 同陳大少講起時...

佢話... : 哈哈哈...何超蓮好似日日都係銅鑼灣咁嘅?? 咁易比人撞到??

食川菜 - - - 雲陽~~

我到先.. 所以又係時候飲啖茶茶..玩玩電話~

點知見到... 

涼粉媽的偶像.... 陶傑坐喺隔離檯~~~~

雖然只係兩個女仔撐檯腳.. (涼粉子仲要係剛陪家人食過晚餐)

不過一向鍾意見到一檯都係餸菜的朋友仔係唔會理的...

哈哈哈~~

野菌醬石鍋雞~~

幾好味... 涼粉家冇石鍋..不過都可以跟一跟風~~

最多咪用LC鍋~~

高湯浸時蔬就係清清甜甜咁啦...

個高湯好似木瓜魚湯咁呀~~~

水煮魚~

嘻嘻.. 我朋友擺明就係知我鍾意所以叫呢味餸的~~

成都燴素賣唒~~

轉左要乾煸四季豆...

丫..涼粉子真係好鍾意食呢味餸的~~

食飽飽都要再食甜品~!!

豆沙鍋餅~~!!

見到樓下有咁多CHOPPER....

梗係要影啦~!!

好可愛呀~!!

睇到陳大少嘩嘩聲~~

哈哈哈~~~

行左一輪街之後先番屋企...

抖左一陣...

涼粉子準備左煎雞翼做宵夜~~~

丫.... 仲有下午時喺APITA買的黑糖蒸蛋糕呢~~~~~

番親香港都係咁... 最忙的唔係我...

係我個肚仔呀~!!!