:+:惹味咖哩羊腩飯:+: (附食譜)

好多時陳大少都係番到屋企先知晚餐有咩食~~~

涼粉子之前好多時都會喺番工時候諗定晚餐煮咩..

再POST上FACEBOOK... 如果唔係有時番到屋企整呢樣嗰樣就會唔記得左本身想煮咩~



真係超冇記性..

呢晚一開飯~~

陳大少話: 嘩嘩嘩...好夾呀~!!!
涼粉子: 咩事呀又~~
陳大少: 我就係想同你講.. 你下次番香港不如去鵝頸橋街市買咖哩羊拎番黎英國~
涼粉子: 吓... 哦~~
陳大少: 點知諗吓都未講出口就有得食啦.... (咇哩吧啦...手舞足蹈的一大堆)

我冇理佢... 開飯前影張相仔先~~~

材料及做法: 

羊腩 - 大約400克 
洋蔥 - 1個 (中型) 切粒
咖哩粉- 2湯匙
紅咖哩醬 - 大半湯匙
混合香草碎 - 少許 
蒜蓉 - 半湯匙
辣椒乾-隨量~

羊腩切粒用滾水汆水~

洗淨後隔水~

凍鍋凍油加入洋蔥及蒜蓉後中火炒至轉色

轉大火後加入羊腩粒炒至乾身~

加入咖哩粉及咖哩醬炒至有香味~

加入適量水份, 大火煲起後轉小火炆半小時~

試味後如果想辣啲, 可加入辣椒乾~

大火收一收汁就可以熄火調味~~

 :+:惹味咖哩羊腩:+:完成了~~

人懶懶地...煲個飯... 淥啲菜就開飯了~~~