2014年10月30日星期四

:+:蜜糖芥末子燒羊扒:+: (附食譜)


羊肉一直都係比較少喺涼粉家晚餐出現的~~

但係隨著涼粉子同埋陳大少愈黎愈鍾意食... 

而且英國喺羊肉又真係好好味~~!

所以.... 要煮多啲呀~!!

今次呢個食譜係睇左電視台嘅節目得番黎嘅好煮意~!!

簡單得黎又好味~!!




材料及做法: 

!!!第一件要做的事.. 就係焗爐預熱至攝氏230度~~~!!!

中型薯仔- 2個.. 擦洗乾淨後切薄片

用廚紙印乾... 

(如果時間許可... 風乾一陣更好~)


焗盤先噴上橄欖油..

將薯片平均舖上焗盤~


陳大少鍾意食甘荀... 所以又加左少少~~

之後灑上鹽同黑胡椒碎~ (用即磨的當然更香啦~)


羊扒 - 4件~

洗淨後用廚紙印乾水~


先灑上鹽同黑胡椒碎~ (又係用即磨的當然更香啦~)


蜜糖芥末醬 - 大約1.5湯匙啦~


用掃平衡底面都要掃勻~


灑上砂糖~


將羊扒放上薯片上~~


已預熱嘅焗爐轉至燒烤 (GRILL) 功能~

中火烤15分鐘至羊扒焦香即可~~ (羊扒唔洗反轉架~!!)


香噴噴:+:蜜糖芥末子燒羊扒:+:完成了~~

有芥末子味得黎又香香甜甜嘅羊扒好好味~~

薯片有嘅脆口有啲又粉糯糯嘅感覺真係唔錯呢~~!!


又係時候... 開飯了~!!!!

是日涼粉家晚餐: :+:蜜糖芥末子燒羊扒:+: + 白酒忌廉青口仔 + 烘多士條~


甜品: (馬莎現成的) 比利時朱古力心太軟蛋糕~~

配埋Häagen-Dazs雪糕就更開心了~!!


************************************

我地食羊扒, 陳卡豬梗係有份啦~!!!嘻嘻~~~


******************************
相關食譜仔: 

:+: 白酒忌廉青口仔:+:

4 則留言:

  1. 涼粉子:
    ~羊肉餐, 美味呀! 你仲整到啲薯仔咁薄.索晒啲肉汁.....仲好味!!
    ~其實, 羊肉唔係成日有得賣, 唔係好似雞肉, 豬肉, 牛肉咁容易買到. 你鐘意食入多啲貨!!!

    回覆刪除
    回覆
    1. 你講得超啱呀~~~ 薯仔索左肉味真係好味~!!! 我呢邊買羊唔太難.. 但係諗點整就難到我了... 畢竟始終都係少煮呀~~~~

      刪除
  2. 卡卡個鼻越嚟越粉紅色wor

    回覆刪除
    回覆
    1. 成個豬鼻咁呀~!!!!! 之前夏天佢又嫌熱... 宜家入冬又冇太陽.. 我都唔知點先可以整黑番佢個鼻~~ >_<

      刪除