2014年11月21日星期五

:+:出個小差:+: (20-24.10.2014)

10月時有一個星期.. 涼粉子成個星期都上左CHESTER 開會...

悶到飛起.. 不過叫做晚餐自己揀自己鍾意食的..

雖然係自己食..不過總叫做可以抖抖..

其實... 應酬有時都好攰架~~

人大左..耐唔時自己同自己撐檯腳...

感覺都唔錯~~






星期一下午火車喺LONDON EUSTON出發~

因為到達後冇打算番公司...

所以飲杯GIN & TONIC都唔過份丫~~~

火車上有免費輕便餐 (飲品都係唔洗錢錢架啦~)

今次係燒牛肉沙律~

話時話.. 好似都有一段時間冇整燒牛肉了~~~

一於下星期買夠靚牛牛番黎整先得~!!

:+:涼粉子 - 燒牛肉:+: 食譜



今次住CROWNE PLAZA.. 貪佢地點好..

喺正市中心.. 方便去SHOPPING~!!



決定抖左10分鐘..行李都唔打開住....

出去行個圈先~~

明明就係4點半咁上下....

不過真係人影都唔係太多~~~



呢間係CHESTER CATHEDRAL 切斯特大教堂

維基資料: 切斯特大教堂(Chester Cathedral)是英國的一座教堂,位於英格蘭切斯特,也是聖公會切斯特教區的座堂。切斯特大教堂是一座一級保護建築,在羅馬帝國時期曾經是一座重要的堡壘,而在羅馬時代的晚期,這裡可能已經有一座教堂。在21世紀初,教堂進行了大規模翻新和維護



幾日後仲有時間入去參觀吓呢~~~

大教堂係免費參觀嘅.. 不過佢會建議大家捐贈3英鎊咁啦~~


呢間係大街上的小教堂~



CHESTER嘅建築風格..都仲保留到羅馬味道~~

切斯特(英语Chester 英语发音:/ˈɛstər/ CHESS-tər,香港舊譯志士達[2])是英國英格蘭西北部柴郡郡治罗马时期修建的军事要塞,以防卫城市南面威尔士人的袭击。城市现仍然保留有完整的城墙,是英國保存狀況最好的城牆。旅游业是其支柱产业



店舖都係5點半關門.... (係呀.. 真係好老土架囉~!)

所以第一日要快快遊一圈... 睇睇邊度有好野買~~~

哈哈哈~~~



呢啲就係第二日買的啦~~

放左上FB後.. ZOKU雪條機 (TOTAL 買多左2個~)

LEKUE 的 方便忌廉唧.. 又買多左2個~~

當然... 涼粉子仲買左堆女仔野啦...

即係衫褲裙飾品嗰啲呢~~~

就係因為呢個地方連連鎖百貨公司都特別少人~~~

所以好好行~~ 慢慢買... 呢個感覺係倫敦市中心唔會有架啦~~~



行到肚仔餓....

專登黎番呢個涼粉子之前幫襯過的MOULES A GO GO

一直念念不舊~~ 哈哈哈~~

最估唔到係...食左3晚都係佢呢~!!!

不過都未厭丫~~



平時喺屋企一定唔會係EARLY BIRD..

不過出差的話.. 涼粉子比較鍾意早食早番酒店做準備, 又或者係游下水..

之後早啲休息~~



好多公司都會包場喺呢度攪聖誕PARTY架...



有9種口味的青口...

涼粉子又即時選擇困難症發作~~



第一晚揀左...

京蔥白酒煙肉味~~~

好味.. 但係冇大驚喜~!

(其實我係好想吸吸新煮意~~~ 嘻嘻~~~)



青口係蒸熟的..

好滑好好味~~~



即制新鮮WAFFLE好好味~~~ 實心的入面軟綿綿..暖笠笠.. 配埋凍冰冰雪糕真係...

天生一對呀~~


之後有食過西班牙辣肉腸味~~~

幾夾丫.. 又惹味...

下次煮青口仔時可以試試整呢個~~


嘻嘻~~~ 再黎~~~

你地就知有幾好味啦~~~


飯後抖2小時...

游水去~~~


自己包場感覺好好~~~



有一日橫風橫雨...

留左喺酒店餐廳食~~






舒適~~


點左個SLOW COOKED PORK BELLY~~

哈哈哈.. 都係我地廣東燒肉更對胃口啦~~

特別係.... 人在外.. 更想食碗飯... 飲啖湯呢~~~



甜品蘋果金寶... 我反而覺得有點華而不實~~~

傳統的更好味呢~~


之後...

有一晚再去番MOULES A GO GO...

不過真係好想食飯~~ 哈哈哈~~

所以點了海鮮意大利飯~~

好味架.. 唔會覺得好膩~~

涼粉子好似未煮過RISOTTO呢...

有機會都要煮煮~~~~


因為正餐有芝士...所以要了一個簡單一點..

冇古古力漿的WAFFLE..

砂糖混入左肉桂粉~~~

好好味~~~


雖然淨係POST 食物同SHOPPING相.. 

但係其餘時間... 

涼粉子真係有努力工作架~~~

哈哈哈~~~

6 則留言:

  1. 涼粉子:
    ~其實, 你份工都唔容易, 見你時常出差!! 但好好彩, 你對出差好似好enjoy!! 我而家去分公司開會(好近), 我都攰到, 係車度瞓咗!! 差啲miss 咗站, 落車返歸!! 哈哈~
    ~不過, 你公司侍遇不錯!! 住嘅酒店好舒服

    回覆刪除
    回覆
    1. 呢份工真係話易唔易...話辛苦又唔係好辛苦咁... 我其實出差係OK的.. 因為好多時都係開完個會就散BAND自由活動去行街~~ 哈哈~~

      我都覺TRAVELLING係好攰架.. 同埋呢.. 我有個特異功能... 一上車上船上飛機我就瞓... 好多時都係會自動起身架... (再唔係就SET定ALARM, 嘻~~)

      坐車時瞓到的話真係會好好多架~~~

      刪除
  2. 哩間教堂我去過呀^^
    真係唔覺你有做野喎~~所了食....都係食~~~哈哈哈

    回覆刪除
    回覆
    1. 嘩... CHESTER你都去過?? 其實我覺得佢偏冷門的.. 不過又真係遊客區黎嘅...

      我真係有做野架~~~ 哈哈哈~~~

      刪除
  3. 比妳引到我好想食比利時waffle添,等我睇下Sunday Brunch食唔食到先!

    回覆刪除
    回覆
    1. SUNDAY BRUNCH時有冇食到WAFFLE呀?? 我宜家睇番啲相都好想食呀呀呀~~~

      刪除