:+:泡椒蒸墨魚仔:+: (附食譜)

天氣凍.. 更加要食辣野~!! 哈哈哈~~ 
唔知做咩呢排少食辣野, 但係我地皮膚反而差左, 又係時侯辣一辣佢~~

等番面豬仔出出汗~~ 嘻~

材料及做法: 

急凍墨魚仔 - 12隻 (預早一晚放雪櫃解凍~)

切細 - 大約墨魚身一開四咁啦~

大火滾水加薑片煮滾後加入墨魚仔汆水10秒, 快手過冰河及洗淨..

用廚紙印乾水備用~

呢個油泡椒味道唔錯又夠辣~

墨魚粒加入薑粒, 油泡椒, 胡椒粉, 鹽, 糖, 生抽拌勻醃10分鐘~

加入100度蒸爐蒸6分鐘 (至全熟)

倒去蒸魚水, 加入甜豉油 (或蒸魚豉油) 灑上蔥花, 

煮滾少少油, 淋上即成~~

呢排好似懶懶地.. 少煮新菜式...

陳大少對呢個 :+:泡椒蒸墨魚仔:+:嘅評價係~~~

' 夠刺激又有料到, 墨魚仔又腍又滑, 唔錯唔錯'

係呀.. 陳大少係咁講的~~ 

我自己都覺得唔錯... 特別係方便又簡單~~~ 呵~

同埋估唔到蒸出黎嘅墨魚仔質地都幾好呀~~~