:+:+:享受生活。涼粉子:+:+:: :+:FLESH & BUNS 嘅SUNDAY BRUNCH:+: (29.06.2015)

多謝好姊妹好介紹，之前仲同涼粉子去過一次，陳大少講咗好耐話要去食個Sunday Brunch㗎喇!

不過要預時間book檯唔係話去食就有得食啦！有時就唔到時間又時有就唔好天氣, 好多時星期日都落雨濕濕... 就唔願出去丫嘛~~

終於就係喺呢個 '我DATE你丫但係我咩都冇準備' 嘅約會日訂左檯了~~

果然, 朝早起身天陰陰... 預備好唒出門口時就開始落雨... 仲要唔係浪漫綿綿長絲絲小雨囉~~~ 果然就係咁................準~~!!

不過好在天公造美, 要喺露天地方行黎行去時... 冇落雨丫~~ !!

FLESH & BUNS位於COVENT GARDEN附近~~其實唔係太顯眼... 因為... 間餐廳細細... 而且... 係要落地庫架~!!

一入到去就見到佢地喇~!!

呢個就係SUNDAY BRUNCH嘅MENU喇~!!

因為係星期日.... 而餐廳又有做好抵食嘅BRUNCH~~~

我地BOOK左兩點半... 都好多人呀~~~

最緊要係........... 好嘈~!! 地庫樓砥比較低.....餐廳就的確係唔大....... 食客都喺度飲緊酒傾緊計...所以好熱鬧呀~!

陳大少話: 咁酒吧FEEL嘅... 真係估佢唔到啵~~~

而更加酒吧FEEL嘅係... 我地被安排左坐喺長BAR檯嘅中間... 即係左邊一對情侶... 右邊又係一對情侶.... 但係大家都要大大聲同對面嘅情人講野丫~~~!! 好好笑~!!!

好~~~ 講番食咩好~~

BRUNCH MENU有兩個~~

一個係39英鎊, 一個係45英鎊~~

45英鎊嘅就可以點埋39英鎊嗰個MENU嘅食物~~~

同埋.... 45英鎊BRUNCH嘅主菜可以加8英鎊....... 就有陳大少見到都必食嘅和牛~~~

咁就即係唔洗揀啦~~~ 哈哈哈~~~

一坐定定就有小食... 呢個有紫菜嘅脆脆米餅... 似印度菜嘅前菜POPPADOMS.. 不過就唔係好夠脆丫~

仲有兩個醬可以蘸黎食...

一個係TOMATO JALAPENO, 其實係唔多覺有JALAPENO味 (墨西哥辣椒~~), 唔辣唔酸咁幾OK~~

另一個係AVOCADO SHISO, 紫蘇味唔重, 但係就有好多嘅牛油果加埋檸檬汁~~ 食左就更加開胃... (其實涼粉子嗰時已經超肚仔餓~~)

仲有兩款雞尾酒可以揀~~~

STRAWBERRY BELLINI - 一聽就知易入口又唔會差得去邊啦~~~
KIMCHI BLOODY MARY - 呢個組合可能會好味.. 又可能會好怪~~~

涼粉子一向鍾意飲番茄汁... 就一於試一試杯血腥泡菜瑪莉~~~~ 係............. 唔............好............飲...............!!! 唔夠酸唔夠辣... 但係..佢竟然好重香草味.......... (下次唔制喇~!!!)

之於大少杯BELLINI............ 好味~!!!

配埋熱辣辣枝豆... 感覺好HAPPY HOUR呀~!!! 嘻嘻~~~~

今餐真係 '我唔會空肚食早餐' 嘅升級版.... '我唔會空肚食BRUNCH' ~~~ 哈哈~~ 要先飲幾啖雞尾酒先呀~~~

第一輪點嘅小食前菜類唔敢叫太多... 一陣陳大少話唔啱胃口... 涼粉子就會SOLO表演食食食食食食喇~~~

刺身拼~~有兩件三文魚+兩件吞拿魚+兩件油甘魚刺身~

魚生好新鮮, 驚喜位係............. 個日本芥辣係即磨架~~~!! 好味~!!

炸軟殼蟹卷就有呢間餐廳嘅特色喇~~~

你以為佢係平平無奇炸軟殼蟹卷咩~~~ 哈哈哈~~~ 佢入面有甘荀~~ 仲有...酸酸辣辣嘅墨西哥辣椒架喎~~~~ 成件事加埋係好夾嘅~~~

同埋... 佢個卷仔好少飯~~~~ 食得更加開心~~~ 哈哈哈~~

要食少飯做咩唔淨點軟殼蟹?? 我地梗係有啦~~~ 不過卷物有卷物好味丫嘛~~

就好似.................... 燒鵝肶好好味....... 但係燒鵝瀨粉都好正咁丫~~~ 哈哈哈哈哈~!!!!

炸軟殼蟹睇見都知個天婦羅粉上得好薄啦~~~ 好味~~~ 唔洗蘸佢個墨西哥辣椒蛋黃醬已經好好味~~ (又係唔多覺有辣味嘅~~)

見隔離對情侶點左呢個照燒雞串.... 樣子幾吸引同埋香噴噴.... 所以我地都點左一份黎試試~~

佢用左去皮雞肶肉同埋蔥去燒.. 去左皮都唔會乾爭爭, 入口仲係好軟滑.... 好味~!!! 不過最正係有蔥, 串燒嘅蔥係特別好味架~!!!

食左呢轉試吓陳大少啱唔啱口味嘅前菜, 就即時再ORDER多一轉喇~~~

初初仲怕因為佢係混合菜而有人會唔啱食呢... 但係食食食又飲少少~~.. 愈食愈開心啵~~!!

食左第一碟刺身時就追加左多兩份了~~~

點知.................. 其他追加嘅前菜小食未黎...... 但係配主菜嘅酒酒就已經黎到了~~~

一杯係白酒, 一杯係氣泡酒~~ 叫兩杯唔同嘅就啱唒麻煩大少... (有時我都唔知佢邊啲突然啱飲, 邊啲冇啦啦又話唔好味架嘛~~~)

邊食邊有服務員黎添酒.... 我地唔覺唔覺都飲左唔少囉~~~ 嘻嘻~~

哈哈哈~~~ 好明顯, 今餐所有食物都係我揀左, 問佢好唔好~~~ 佢通常都係話好呀~!!

之後追加嘅小食就咁........................... 叫左好多...哈哈哈~~~

上次第一次黎時食左個脆脆豬仔肚... 涼粉子一直都念念不忘........ 似港式乳豬但係佢好味過乳豬好多~~~ 一來冇咁油... 二來佢有肉食丫~!!

所以今次都係揀番佢~~~配埋個味嚕芥末汁.... 仲有醃漬青蘋果片~~ (就好似英式烤豬有青蘋果醬咁~)~

加埋個熱辣辣嘅割包~~~ (割包係台式嘅係咪???) 痴線架~~~ 個包包好好味~~~

黎之前涼粉子都已經同陳大少講左...... 主菜.... 好大份~~~ 但係我估我地要額外要個籠包~~ 因為個包真係好正~~~

個割包又軟綿綿又熱辣辣... 加埋豬仔肉酸蘋果生菜青瓜同埋個汁~~~~

超好味~!!!!!!!!!!!!!!!

(唔洗提我喇... 我細細個就知道............. 通常覺得超好味嘅食物......... 都係會食肥人嘅~!!)

講完個燒豬豬~~

到到陳大少個和牛冧扒, 一黎到... 我地嘅反應都係......... 咩200克牛肉有咁大塊架咩~ @@

點左半生熟就果然係半生熟, 好令人滿意丫~~~

你睇佢靚仔到呢~~~~~~~!!!

陳大少食左一舊之後表示滿意~~~

當然... 我地都覺得上次MATSURI食嘅鐵板和牛西冷係高好多班嘅~~

但係呢個都真係算唔錯~!!

醬汁係韓辣汁,而個醃漬青瓜都唔錯~!!

呢款青瓜應該會好快喺涼粉家廚房出場架喇~!!!

當然.. 都要用割包夾一夾佢啦~!!! 唔錯唔錯~~

但係牛牛都係就咁食好啲... 夾包都係用燒豬豬更好味~!!!

到呢個時候........ 都唔會再覺得餓喇~!!!

有人話: 丫... 我冇預佢啲主菜咁足份量呀!!!

其實.. 話就話係任飲(紅白酒)任食(前菜小食)BRUNCH... 但係佢都係平時嘅FULL SIZE黎架~!! 絕對冇搵笨~~

就係呢個時候............ 追加嘅小菜小食刺身到左喇~!!!! 哈哈哈哈哈哈哈~~~~~~~

FUSHION軟殼蟹卷好好味~~ 之前問人地再ORDER好唔好.. 佢話: 好~!
問人地有咩想試試.. 佢話想試試牛油果三文魚卷~~
而涼粉子當時係想試試呢個蟹肉加洲卷嘅~~~

好在佢啲卷物真係幾的式咋~!!

牛油果三文魚卷 - 牛油果大大粒又香又滑好好味.... 不過係略嫌檸檬汁重手左少少~~~
蟹肉加洲卷 -食到一絲絲蟹肉好開心~!! 好味~!!

就係之前覺得好味再ENCORE~~~

冰鎮新鮮刺身~~~ 飲酒飲到熱熱地... 食番件凍冰冰刺身嘅感覺真係......... 好正~!!

其實話係話限時食兩個鐘頭... 但係我地食食吓唔覺唔覺都兩個幾鐘頭喇~~~

想埋單嘅時候服務員姐姐話已經幫我地準備好甜品喇~~~ (我地連佢揀左咩都唔知~!!)

哈哈哈, 好啦好啦~~~

有人氣之選... 燒熱情果味棉花糖配古古力同夾餅~~

仲有........ 個樣子薯薯鈍鈍嘅黑糖冬甩~!!

真係有好多野都唔好睇外表~~~~~~~~~~~~~~~~!!

個冬甩真係好驚喜~!!!

外面嘅黑糖同黃豆粉都唔太多~~ 入面... 係有少少甜嘅焦糖(定係拖肥呢???) 吉士醬~~~~~

成件事加埋好夾得黎又唔太甜~!!!!!!!!!!!! 超好味~!!!!!!

明明已經食到飽飽都覺得佢超好味~~~.. 咁佢就一定真係好好好好好好味喇~!!!