:+:韓式辣炒豬肉片:+: (附食譜)

之前一晚整左豆漿豚肉鍋... 淨番都唔少豚肉片~~

一於淨番佢加少少新煮意就變成呢個惹味辣辣好好餸飯嘅:+:韓式辣炒豬肉片:+:喇~~

呢個就係之前一晚嘅豆漿鍋晚餐啦~~~

簡單又多菜菜.... 肉類真係淨係出動左韓超嘅豬肉片咋~~

不過都係食唔晒~~反而菜菜就清晒丫~!!

之前嘅 :+:豆漿豚肉鍋:+:  (篤一篤個名就有食譜連結架喇~)

材料及做法:

切好幼條嘅甘荀同洋蔥先炒香~~

今次用咗呢隻唔太辣又唔會太甜嘅韓辣醬~~

味道好好又好配搭~要黎煮雞鴨牛豬羊魚蝦魷魚都應該唔錯~~~

加少少水同埋加入兩湯匙韓辣醬炒勻~

豆漿鍋豬肉片用手撕開, 一開二就OK了~~

加入豬肉片炒炒炒~~

加番少少水等佢唔好太乾身~~

豬肉全熟就可以熄火調味上碟喇~~

簡單有香噴噴嘅:+:韓式辣炒豬肉片:+:完成了~~~

因為個汁好惹味~~~ 涼粉子仲加咗少少清炒椰菜墊底呢~~

吸咗啲汁好好味呀~~~

韓風菜式當然煮埋珍珠米啦~~~

今次貪得意... 整咗紫菜小飯卷黎拌食~~

飯煮好後加入胡麻油同埋少少鹽拌勻就可以用紫菜包起整小飯卷喇~~

是日晚餐:

:+:韓式辣炒豬肉片:+:

:+:韓醬牛仔骨:+:

:+:金銀菜陳腎豬骨湯 :+:

雖然冇炒一碟菜菜... 不過牛仔骨有蘑菇洋蔥... 炒豬肉片又有甘荀洋蔥同埋椰菜...

一晚半晚都算OK啦~~~

呵呵呵~~~~