:+:海底椰魚翅瓜豬骨湯:+: (附食譜)

轉天氣勤力密密煲湯水~~~

係~~~~ 成日煲湯嘅涼粉子番黎喇~!!

而另一樣冇變嘅.. 就係涼粉家最常見嘅湯水依然都係清甜滋潤嘅~~

呢晚出動左朋友仔自家種嘅魚翅瓜..... 新鮮得黎又冇農藥真係VERY GOOD呀~!!

材料及做法: 

魚翅瓜先去皮去籽去囊~~

一個整出黎有好多~~~ 所以今次涼粉子淨係用左半個~~

另一半.... 真空左放左入冰格~~ 下次再煲時就更方便嚕~~~

蜜棗, 龍皇杏, 開邊湘蓮, 百合, 淮山, 海底椰片 (全部清水浸洗後瀝乾 ) 

豬骨 (當然係要凍水加熱汆水啦~)

之後加入清水~~ 大火滾起後轉細火煲1個半鐘頭就完成了~~~

海底椰配埋魚翅瓜夠晒清潤唷~~~~

咁大煲湯~~~ 陳大少同涼粉子... 一晚就飲晒嚕~~~~~

太好了~~ 聽晚又煲過~!!!