:+:KAKA與沙甸魚:+:

 今日放左工唔係好攰....去左morrisons買餸.....買完既時候聽到有人叫我....

拎轉頭一望...原來係亞鋒....

等佢買埋野..佢車左我番屋企..yeah!!!

o係morrison...買左4條沙甸魚比kaka...都係1.05鎊ja...另外仲買左d我地自己既野食.....

kaka今餐就好餸了.....因為有原條沙甸魚x2, 一片牛柳, 一隻烚蛋, 同埋菜菜沙律(有黃芽白, 紅蘿蔔, 青瓜同埋1/4個牛油果)

 

kaka之前係未食過沙甸魚...我仲估佢會即刻試新野...點知又唔係啵....

佢先食蛋蛋..之後係菜...之後..就開始玩d魚...

先聞下......之後就擔出黎...咬幾下又抖下....

之後就食左魚魚上面o個片牛肉...

唔知做咩...kaka好中意將d魚四圍放....

我見佢好似唔洗食原條魚...就幫佢剪開左一舊舊..等佢易食d...
點知...佢逐舊逐舊o係個兜度擔出黎.......

陳米一行去個食物兜o個邊..kaka緊張度彈左起身....

真係唔知佢其實係唔中意食沙甸魚定係唔捨得食....

 

丫...間屋好亂...@_@

kaka食左少少魚..就乖乖地o係度看實佢條魚...

kaka: 嘻嘻嘻....好緊張呀....魚呀.....爸b..你影還影...唔好攪我條魚呀..唔係我同你死過!!!!

 

今日好想飲湯..就煲左杞子蕃茄豬膶....湯渣梗係kaka架啦...

雖然話食豬食唔好...不過都係久唔久少少......樣樣野食下先好架嘛..

---

• 留言者: lok yee
• Email: fion2628@yahoo.com.hk
• 網址:
• 日期: 2008-12-05 21:17:00

牛同魚都係生食？？我未試過比生野佢地食，好多人話狗食生野會惡好多，我都唔知呀？佢張條魚通屋放，咁未好 ‘聲’羅，最後個八妹有無食到條魚呀！
[版主回覆12/06/2008 00:58:00]有呀...都唔知佢係唔捨得食定係唔中意食...d魚魚冇咩味...可能係呢度天氣凍掛...食三文魚佢又唔係咁架...可能未慣...
我呢度有個blog友叫aki...我見佢d狗狗食得幾好...我地都想比kaka試下....應該唔係食生野會惡...而係可能食新鮮野好緊張....唔想人地攞走...咁大家就以為係惡d...其實應該係因為狗糧冇咁啖啖肉掛....我估...