:+:+:金針木耳雞翼煲:+:+:(附食譜)+涼粉家晚餐(26.09.2012)

呢排天氣涼左好多...人又忙..真係少煮左好多...

一煮嘛.,..就係煮煲仔菜多...

一來KEEP住可以KEEP住D餸熱辣辣....二來嘛,....洗少個碟....呵呵~

有時唔知食咩打個雪櫃同冰格睇下D存貨...

今次比我見到...有金針呀~~~

好難都冇用金針黎煮雞~~嘻嘻~~又係時候出動呢~~~

金針除左用黎整雞....大家仲要點用架~??

材料及食譜:

木耳 - 清水浸軟後切成小塊~
杞子 - 清水洗淨~
金針 - 清水略浸後隔水備用~
雞中翼: 清水洗淨後隔水備用~

少少油加入薑片起鑊~

加入雞翼爆炒後加入其餘材料~

炒至雞翼轉色後加入少少生抽, 冰糖和水

大火煮至滾起後轉中火煮至收汁即可~

呢晚O既2個餸菜都係原鍋上檯..哈哈哈~~

食O既時候真係夠唒熱辣辣呀~~~