2013年9月13日星期五

:+:+:無奈的卡卡:+:+:(20.08.2013)


眼超超的卡卡個樣幾不滿, 因為我講佢是非丫~!!


係咁的, 同平時一樣, 我比大少早放工番到屋企的...咁呢..我盡量都會同KAKA做親子活動, 就係梳吓毛毛或者係修吓腳底手底毛同埋抹吓身修吓甲, 又或者係黎番個狗狗香薰按摩~!

點知呢..佢呢幾日唔知做咩好燥底, 摸吓都唔多LIKE...
拎個卡卡美容箱出黎...佢就走佬...
先番去佢自己張床度...我跟住過去..佢就走去飯檯...
我再跟...佢就呱呱呱好似個8婆仔咁鬧我~!!>_<

卡爸爸番到黎..我就話KAKA今晚可能冇飯食...
佢就眼超超比個好樣衰嘅樣比我睇~!

卡爸爸話: 冇理由架啵...卡卡好乖架...點會唔肯梳毛毛架...?
(哼~~~扮乖呃食佢就叻~哼哼哼哼哼~!!!!!)
 

於是....卡爸爸出手了~
睇得出卡卡個樣喺度忍住...唔發出黎..
卡爸爸: 冇事呀...好乖呀...邊有發脾氣呀~??
我: 咁乖咁你幫佢剪指甲啦~!!!

哈哈哈, 就係呢個時候...卡卡忍唔住對住我E起佢棚門牙仔...
我又忍唔到笑..佢嬲個樣真係好好笑~~ (又係時候放番佢之前一次的E牙相~!!)
真係好好笑...咁大隻狗狗咁丁丁粒門牙~~!!!哈哈哈哈哈~~~~

當然, 佢對住我而卡爸爸望唔到先會露牙的~~
卡爸爸: 卡卡係咪想咬人了...咁咬爸爸啦~~

於是...陳大少就放左隻手入卡卡個口度~~~!!!!
仲要扮痛....卡卡又用唔到條脷仔推番爸爸隻手出黎...

真係好無奈~!!

好似好危險~??
唔怕~!!! 呢招係卡卡小時候我地一齊去番學學架~!!
手腕推到狗狗口最入位置...狗狗基本上係咬唔到人的~!


你睇佢個樣....完全估唔到卡爸爸出絕招呢~!!
哼, 兇我丫嗱~!!
真係唔知'訂'呀~!!!





22 則留言:

  1. 卡卡係一個醒目嘅小朋友, 揀人嚟"蝦"
    佢怒"bear"張相真係好正, 簡直係七情上面! hehe

    回覆刪除
    回覆
    1. 唉....佢真係好衰格~!!仲要好似變臉大師咁..呢頭咀藐藐...轉頭就過黎扮可愛呃零食~!!

      刪除
  2. 卡卡話美容要做全套,除咗梳毛剪甲仲要擦牙,所以E牙呀 wakakaka

    回覆刪除
    回覆
    1. 哈哈哈..佢細個時呢..真係一E牙我就拎佢支牙刷出黎追住佢~!!有時心急左..擦損左佢牙肉!!怕左佢..上次叫醫生開左潔牙GEL比佢~!都好似幾OK啵..希望佢都幾鍾意~

      刪除
  3. 就咁睇以為咬左落下XD~
    卡卡好型仔呀~

    回覆刪除
    回覆
    1. 嘻嘻...KAKA係女仔黎架~~!!
      佢得把聲架咋...之黎就係E牙兇人..但係又唔知自己E牙個樣好好笑~!!哈哈哈哈哈~~~

      刪除
  4. 卡卡蝦你呀~~唔蝦爸爸.....哈哈

    回覆刪除
  5. Kaka第一個不滿樣好好笑!😄
    我返HK個幾星期以來最掛住隻狗!🐶

    回覆刪除
    回覆
    1. 一定的啦...我見你地好似番香港長住咁唷~~~幾時番番去呀??狗狗都一定好掛住你~

      刪除
    2. 頭尾兩星期咋!我老公返咗去喇,我就下星期先。

      刪除
  6. 我樓上住左一個教狗的,佢話bb如果想咬我地,要從細就放拳頭入佢口,塞住佢,幾次後,你再比佢咬都唔會架啦!

    回覆刪除
    回覆
    1. 係呀係呀...之前帶卡卡去番學時..(其實佢唔係教狗..宜家教主人丫)..個老師都係咁教...我成日都成隻拳頭塞落卡個口度...順手檢查牙仔同牙肉~!!

      刪除
  7. 我隻拉布拉多又係門牙丁丁隻..真係好攪笑>.<

    回覆刪除
    回覆
    1. 我真係唔知你有隻拉拉呢~!!!!E...即係其實中/大型狗狗門牙都應該係咁架~??
      我初初養卡卡時...見到佢D牙仔鴛鴦色...咀角邊黑色...眼屎係啡啡/灰灰..我都擔心到去問人~~XDDDD

      刪除
  8. Then did you find out why she's so moody ?

    回覆刪除