2013年11月20日星期三

:+:+:馬蹄粒百花釀紅椒(附食譜):+:+:涼粉家晚餐(23.10.2013)


哈哈哈...番完香港番黎...又係時候出番之前影好唒相仔打係未打字的POST~!!!
*********************************************

營養師話紅椒係每日必食的..(抗氧化, 抗癌, 增加好膽固醇.........超好啦總知.. )..
最好煮飯煮麵都加少少落去~~~
今次就黎一個蝦膠釀紅椒..除左彈牙蝦膠外...仲加左爽口的馬蹄粒粒~~
健康又好味~!!



材料好簡單:
急凍蝦仁 - 12隻
有機以色列長甜椒 - 2隻 (我都係貪佢個形好釀同埋有機而揀佢...當然其他甜椒都可以啦~)
馬蹄 - 10粒 (有刨皮恐懼症的我揀左用方便的罐頭水浸馬蹄粒~, 新鮮的一定更爽甜好味~)

馬蹄刴至幼粒~之後要印印水呀

蝦仁洗淨後印乾水~

先拍扁後刴至蝦膠後撻至起膠~

馬蹄粒, 蝦膠加入大碗中, 
加入1湯匙生粉, 少少蒜粉,胡椒粉, 鹽~

單方向拌勻~ 
保鮮紙包好後放雪櫃雪最少半小時~

甜椒洗淨後切成粗圈~ (好似花花形咁呀~!!)

釀入馬蹄蝦膠~
之後底同面都要撲上生粉~

先大火後中細火煎至金黃及全熟~

今次冇整個汁...
但係如果想有汁的話...可以參考上次的鯪魚肉煎釀茄子醬汁做法~

呢一晚仲有....大少好恨食..又食極都唔厭的生炒臘味糯米飯~!!
做法同之前差唔多~~ 
不過今次用LC黑裡鑄鐵鍋黎炒...更快炒好~~又更好味~!!呵呵~~
大少話大有進步丫~!!

當然...有煲湯湯啦~~
呢晚食眉豆杞子粟米雞湯~~

 煲一個半小時就有得飲了~!!

開飯了~!!

天氣涼涼地食臘味飯真係一流呀~!!!

今次係第一次用LC黑裡鑄鐵鍋黎炒...

完全冇痴底~!!..呵呵呵~~~好開心~!


16 則留言:

  1. 我只係知道彩椒對血管好有益咋!

    回覆刪除
    回覆
    1. 我都係知道食多啲3色椒好....不過估唔到當中以紅椒最好丫~!!!

      刪除
  2. 尊敬的部落格主人,您好

    我們發現您的部落格裡有特別多美味食譜,我們想把您的部落格推薦到我們的網站www.nidemeishi.tw。

    我們的網址每天的瀏覽量有數萬人次,並且已經有很多個食譜部落格和網站。此外,我們創建了部落格排行榜,那裡已經有幾百個博主的加入了。我們在我們的網站上推薦了您的博客,用戶就能通過我們瀏覽器找到您的部落格。

    Nidemeishi.tw是另一種使您的部落格獲得更多訪問流量的方式。許多用戶皆習慣直接通過Nidemeishi.tw搜索網站和部落格的食譜。 將您的部落格添加到食譜部落格排行榜,自動發表您的食譜在我們的網站。請按照以下步驟操作:http://www.nidemeishi.tw/jiarubuluogepaihangbeng

    另外,費用問題您完全不用擔心,因為我們是一個完全免費的網站,目前我們已經在瑞典、巴西、德國、英國、美國、法國等國家有了推廣。您想加入我們嗎?我們靜候佳音。

    誠摯的問候
    Nidemeishi.tw

    回覆刪除
  3. Yeah! 涼份子嘅招牌好煮意又番嚟啦!
    我都記得醫生都話過紅椒好,尤其對女性 ^^

    回覆刪除
    回覆
    1. 所以我都要KEEP住提提自己....食多D紅椒了~!!

      刪除
  4. 原來紅椒咁有益, 我真係唔知, 謝謝涼份子嘅分享, 我都要食多d先得, 但係唔係隻隻紅椒都得? 紅色燈籠椒得唔得?

    回覆刪除
    回覆
    1. 我估係紅色燈籠椒最好呢~!!!!

      刪除
  5. 涼粉子:
    ~你一年返幾多次香港!! 好羨慕你返香港....行到夜一夜...都去食甜品and 宵夜!!
    ~原來紅辣椒營養好咁多!!! 平時都食多啲!!
    ~你打啲蝦膠好靚!!

    回覆刪除
    回覆
    1. 嘻嘻...我仲打算番香港過CNY呀~!!! 我屋企人都喺香港丫嘛~!!就到我都想多啲時間番去湊熱鬧~!!
      樓上有BLOGGER話紅椒對女仔特別好丫...記得食多啲~!!!!
      蝦膠其實好易整的....^_^

      刪除
  6. 涼粉子,你煎得好靚呀!
    芙芙成日都以為打蝦膠要用好多蝦至得,但睇張相都唔駛好多就可以釀到咁多件,
    下次芙芙又整下先!好味呢!

    回覆刪除
    回覆
    1. 謝謝芙芙....其實係因為....我落左馬蹄粒丫嘛...如果唔係少少蝦真係釀唔到咁多粒呀~!!!

      刪除
  7. Hi sweetie, 個彩椒形狀好似心形呀, 仲要煎得咁靚. 我都唔知紅椒原來咁營養豐富, 又識多樣嘢啦~~~~

    回覆刪除
    回覆
    1. HI DEAR!!!! 個椒咁嘅形...釀起上黎快手好多丫嘛...女仔記得食多啲紅椒呀~!!

      貓貓仲有冇嚇你~??@@

      刪除
  8. 涼粉子,我都想講彩椒好似心型,好特別也煎得好靚!^^
    另外,我又想講我honey又係好鐘意吃糯米飯,細細個媽媽也會生炒臘味糯米飯給我們吃,媽煮得好好味,但我從未在家試煮...怕唔好味...失落!hee...但honey鐘意,我都想動手整!

    回覆刪除