:+:10級開心女生聚:+: (09.10.2014)

幾個月前就買好左歌舞魅影嘅門票~~

時間真係過得好快~~

叮一聲就黎到期待左好耐嘅聚會日喇~!!!

上次同陳大少去MATSURI 嗰餐真係好味道, 一於同女友們再去~~

一人一個SET LUNCH~~

朋友仔的三文魚~

涼粉子揀左西冷扒~~

仲有雞同埋鵝肝配漢堡扒~~

今次個鐵板燒叔叔唔靚仔... 如果靚仔啲.. 一定加更高分唷~!!!

我認我好膚淺的~~ 呵~~

雖然食到飽飽.. 但係..都係叫少少甜品SHARE黎食更開心~~~

綠茶提拉米蘇~~ 

好CREAMY.. 不過如果綠茶味重少少更好~~

今次燒芒果個叔叔有點HEA... 好似冇上次咁好味呢~~~

個芒果有渣丫~~

呢日最大嘅笑點黎喇~!!!!!

朋友仔話: 嘩...個芒果好多毛~~~

即時爆笑~!!!!

好在涼粉子唔係飲緊水咋.. 唔係... 一定會表演噴水唷~~~!! 

食飽飽著番件外套就係時間出發去歌劇院了~~

下午場有抵睇的門票... 26鎊連埋手續費都係30鎊...

我覺得位置都唔差丫~~

劇院的天花很古典~~

今次係涼粉子第3次睇 , 始終都係覺得好正~!!

音樂, 歌曲都係好好聽~~~

歌舞魅影電影很不錯.. 不過現場的震撼同埋氣勢, 氣氛都係睇電影感受唔到的~!!

現場睇當然係唔可以影相仔啦~~~

所以... 樓上同樓下的..都係..網上圖片黎架咋~~

其實真係好想知啲舞台機關同怖景嘅準備功夫係點丫~!!!

之後去左飲杯野...

之後當然又係傾傾傾講講講唔停啦~~~

之後... 淨番我同S小姐兩個...

其實我地未肚餓.. 不過凍冰冰.. 又落雨.. 

就想食坐定定食石頭飯...

入到去ARONG~~ (真係幫襯左N次.. 有時喺市中心一諗起韓菜就諗起佢~~)

見到有人食泡菜鍋...

好似好正咁... 一於跟啦~~

呢個係韓啤CASS黎嘅~~

不過佢用日啤SAPPORO的杯子~~

3小碟... 涼粉子最愛係薯仔沙律~

呵呵呵.... 食左都唔太大罪惡感的豬肉泡菜鍋~~~

因為入面真係好多菜菜架~~~

之前嗰餐日式鐵板燒都食得唔夠菜菜子~~~

想食千頌伊炸雞.. 不過呢度唔覺有~~

見到餐牌上面有照燒汁炸雞粒.. 都照殺~!!!

酥脆得黎雞肉嫩... 算很不錯啦~~~~

傾傾傾講講講笑笑笑又過左開心嘅一日了~~~~