:+:椒鹽多春魚:+: (附食譜)

好多年冇食過多春魚...

涼粉子本身麻麻地... 但係反而陳大少就鍾意食~~

香口野丫嘛~~ 又可以原條連骨食~~ 呵呵~~

之前喺韓超買左一小排多春魚黎試吓整... 

之前怕唔識整會好易整到爛唒~~ 但係原來好易整又唔麻煩呢~!!

下次去開韓超可以入多啲貨嚕 !!!

材料及做法: 

多春魚- 10條

 解凍後洗淨用廚紙印乾水~

加上生粉~

平均地拍上生粉~~

多餘的生粉都要拍走呀~

呢排少炸野, 所以都係用半煎炸方式~~

大火燒熱油後轉中大火..加入多春魚~

唔好即時郁佢呀~~ 比少少時間佢定一定型就唔會爛了~~

反轉另一面再半煎炸~~

大火逼番油份出黎後就上盤隔油了~~~

隔油~~ (不過其實真係冇咩油的~~ :))

白鑊加入鹽+胡椒粉+指天椒粒 (仲可以加蒜蓉/洋蔥粒/蔥花/三色椒粒呢) 中火炒至有香味後加入多春魚炒勻完熱透即可~

簡簡單單又完成左一味未整過餸菜了~

香口惹味, 陳大少食得好開心~~

仲要話: 好多年冇食過多春魚了~~~ 

之前涼粉子都整過其他椒鹽菜式, 有興趣可按菜名看看~~ 

:+:椒鹽雞翼尖:+:

:+:椒鹽豆腐:+:

:+:椒鹽田雞腿:+:

:+:椒鹽魷魚:+:

:+:椒鹽豬大腸:+:

:+:椒鹽豬扒:+: