2014年10月20日星期一

:+:+:朋友仔交收 + 拍拖飲茶子:+:+: (15.06.2014)

檢查吓個小網誌嘅草稿....

先發現左呢篇入左相仔但係未打字的...

唔想浪費又唔想唔記得拍拖食食食嘅開心時光...

所以... 照出~~ 哈哈~



陳大少唔知係咪年紀大左~~ (哈哈哈... 3字頭了~~)

所以都愈黎愈鍾意嘆慢板, 飲吓茶, 食吓點心咁~~


點點心先我落左酒樓樓下同兩位剛剛做完FACIAL嘅朋友仔交收兼傾陣計~~

以下點心都係陳大少話事的...

涼粉子真係叫左佢唔好點咁多架喇喇喇~~~~

招牌腸粉~

即係一條蝦腸一條叉燒腸同埋一條牛肉腸...

如果人少少又唔知揀咩腸粉好都係一個好選擇~!!


小籠包麻麻地..

鳳爪好味~~

而流沙奶黃包係好好味~!!!! 亦係到目前為止喺倫敦食過最好味的~!


燒賣同牛肉球都唔差~~


珍珠雞都足料~~


腐皮卷就真心覺得涼粉子整的好味啲~!!

:+:蒜蓉蝦腐皮卷:+: (我真係唔係賣花讚花香嗰種人丫~!! 哈哈~)


明蝦角係陳大少最愛~~~ 

香港好似好少酒樓發現佢嘅蹤影了~~~

真係得閒啲要試吓整呢~~~



***************************************************

之前咪話同朋友仔交收嘅~~

其實係朋友仔去韓超買左牛仔骨比我丫~~

真係多謝你呀~~~


沒有留言:

發佈留言