:+:鹽燒三文魚頭:+:(附食譜)

喺台北時食左兩轉燒三文魚頭~~

實在係好好味~~

番到黎倫敦見到超市有三文魚頭買就梗係要買黎整啦~~

好多時放工去到超市已經賣唒架喇~!!

(張相仔好似有啲嚇人唷~~~)

材料及做法: 

三文魚頭一開二, 

去腮後洗淨~~

用廚紙印乾水~

預熱焗爐攝氏230度~~

焗盤舖上錫紙

噴少少橄欖油~~

加入魚頭... 灑上少許白胡椒粉同埋即磨海鹽碎~~

兩面抹勻~~

魚頭表面向上... 噴上橄欖油~~

就可以入爐了~~~

焗15-20分鐘至全熟..

再轉烤爐焗5-8分鐘至表面金黃即就得了~~~

表面脆卜卜好香口~~~!!