:+:2014巴黎快閃團:+: (22.11.2014)

之前11月時同朋友仔黎左一轉巴黎即日快閃團~~

太開心了~!!

不過又快樂不知時日過~~

到到宜家先發現原來未出BLOG仔做個紀錄~~

嘻嘻~~ 遲到好過冇到啦~~

朝早7點鐘EUROSTAR火車由倫敦到巴黎..

計埋時差..10點幾就到了~~

適逢聖誕前~~ 

香榭大道兩旁開左好多聖誕小檔呀~~~

呢一日亦天氣好好~~~

凱旋門

行左一陣.. 先去食個LUNCH先啦~~

呢排呢間牛扒屋喺香港都開左分店...

咁我地就一於去到巴黎店試一試先~~ 呵呵~~

Le Relais de l'Entrecôte

就係冇啦啦想飲飲紅酒~~

法國情調一番~~

冇餐牌架... 侍應姐姐黎到都係問牛扒要幾成熟~~

之後就自動波黎左沙律菜同埋法包~~

簡簡單單嘅法式醬汁沙律.. 有幾粒合桃..

新鮮又好味~

法國食法包...

係真係特別好味架~!!

裝修就係好法式咁啦~~

牛扒黎到..

仲有一堆薯條贈興~~

牛扒... 其實肉質各樣都冇咩特別.. 

但係醬汁.. 的確好味~~

涼粉子好努力咁出力認真咁嗒真啲... 再嗒真啲...

希望喺屋企都可以老翻得幾成煮出黎陳大少食啦~~~

食飽飽行一陣...

沿路見到鐵塔~~

坐個地鐵去LA FAYETTE行街街啦~~

先到LA FAYETTE嘅ANGELINA買 MONT BLANC比陳大少~

再逛逛家品部~~ 睇睇LC有冇咩荀野特別野咁啦~~

呢個咁高身嘅煲涼粉子之前冇見過架~~

209歐價錢一般啦~~ 未抵到要親身搬番倫敦咁囉~~

黎一個BREAK抖一抖...

其實我地有特別任務~~

(特此再感謝陪我癲的朋友仔~~)

是咁的...

倫敦的PH冇ISPAHAN賣...

又估唔到...

LA FAYETTE的ISPAHAN只設堂食~!!!!!!!

我地之前去家品部.. 就係想買盒仔~~

喺地庫超市度拎左兩個裝沙律嘅盒囉~!!!

為左老公想食嘅甜品可以去到幾盡~~ 哈哈哈~~

當然涼粉子係明張目膽 (係呀.. 我係話明張目膽囉..... 潮人講潮語丫嘛~~ 哈哈~)
咁將個甜品小心翼翼咁放入盒到啦~~

店員見到.. 都冇出聲...

正常丫.. 有咩好講姐.. 我又唔係唔比錢... 嘻~

下次要買ISPAHAN我都係番番總店買好過嚕~~

再行多陣就係時候番倫敦了~~

禁區商店內當然有唔少野賣啦~~

不過呢度賣GODIVA真係好抵.. 平過倫敦好多~~~

平時陳大少食開呢啲一排排嘅倫敦賣6鎊... 呢度賣4歐咋~~~

拎住好多野都要入貨~!!!

好似買左好多其實又唔係買左好多~~~

不過真係拎到一手都係喇~

:+:真係買左少少咋:+:

其實喺巴黎真係冇買包包衣飾呀~因為... 真係好多.....拖喼黨... 我地係快閃團黎架嘛.. 又唔想浪費時間排隊... 同埋.. 分分鐘倫敦仲抵買啦~~ (購物出手要快狠準... 但係又唔好心急啵~~~ ) - 同埋... 嗰日真係突然回暖... 真係人身汗咁.. ..

所以就係真係淨係買左圖中嘅東東咋~!!!
PAUL 蝴蝶酥3個~ (買得少.. 真係買得太少~~!! )
油封鴨腿一大罐 (真係重手都不得了~)
安祖蓮娜 ' 望幫' 2個~
PIERRE HERME ISPAHAN 兩個 (人家老佛爺唔做外賣的..... 只限堂食... 涼粉子.... 又要再一次鳴謝唔介意陪我去班兩個FIT SIZE盒仔番黎嘅團友仔~ )
Avène清爽抹面啫喱兩枝 (又係.....好聚手~)
巴黎浪漫風光飯墊兩張~ (涼粉家法國風晚餐就出場架喇~~~ 有埋佢... 太好情調.. 哈哈哈~~)
陳大少GODIVA古古力8排 - 比起英國佢實在抵買太多了~~ (又係... 買得少買得少.... 不過真係好聚手架~!)

其實真係買得好少野.. 但係真係好重.... 下次再黎一轉快閃巴黎遊.... 真係可以諗諗做個拖喼黨啵~!!!

陳大少有ISPAHAN食好開心... 喺卡卡豬面前拎左個ISPAHAN FING黎FINNG去~!!

好在縮得快咋... KAKA真係想搶囉~!!

平時KAKA好少搶野架~~

你話ISPAHAN嘅魔力有幾大呢~~~ 哈哈哈~~

:+:巴黎 Paul蝴蝶酥:+:

著名麵包甜品店Paul雖然喺倫敦有唔少分店……但係巴黎店的出品更加深得涼粉子歡心！！ 原因唔知會唔會因為巴黎水質比倫敦好有關？

今次涼粉子買咗三塊大過塊面嘅蝴蝶酥番黎～ 好好味～牛油味香濃而甜味又不太重手！ (因為好多法國甜點都係偏甜架嘛！) 質地酥脆得黎又唔會易碎同埋一陣風咁！！！ 更難得係三塊都完完整整番到黎涼粉家～～冇因為途中碰碰撞撞而變到碎濕濕！！(^ω^) 太好了！！

大大力推介！！大家去開巴黎就會發現總有間Paul喺左近！！

:+:安祖蓮娜的MONT BLANC:+:

唔記得由幾時開始... 去親PARIS都會去ANGELINA買MONT BLANC番屋企慢慢嘆~~ 今次買番黎的... 同之前.... 明顯有差別差~~

先講外觀... 陳大少打開個盒就話...佢細個左好多.. 大約輕左1/5啦~~~

食左一啖... 就覺得..冇之前的咁甜~!! 之前怕甜涼粉子會食一兩啖.. 再慢慢飲番啖茶... 宜家.. 就唔洗丫... 幾啖就食唒了~~~

如果佢可以番番去之前個SIZE... KEEP住宜家嘅甜度咁就更好了~~~~呵呵~~~

****************************************************************************



有用小資料: 

EUROSTAR歐洲之星火車: www.eurostar.com

牛扒屋 Le Relais de l'Entrecôte: www.relaisentrecote.fr

巴黎地鐵 METRO: www.parismetro.com 

LA FAYETTE 百貨公司: www.galerieslafayette.com

ANGELINA: www.angelina-paris.fr

Pierre Hermé: www.pierreherme.com

*****************************************************************************

2012 - 巴黎快閃遊

2013 - 巴黎快閃遊