2014年10月11日星期六

:+:出個小差 - 都柏林:+: (06.10.2014)

陳大少知涼粉子出差.. 但係佢冇問去邊度...

到到涼粉子話要去愛爾蘭...

陳大少話: 嘩... 要搭飛機喇~~!!

呵呵~~~ 佢真係好衰~~哈哈哈~~~




倫敦機場多... 但係自己飛就梗係揀番屋企附近的機場啦~~~

好方便... 

去到機場PRINT左登記証~~~


再自己出埋行李貼貼~~

再交個行李去櫃檯就OK了~~~



第一次喺倫敦 CITY AIRPORT出發...

個機場雖然細細...

不過感覺又新又MODERN~~~


就係坐呢隻飛機了~~~

第一次坐咁細細隻飛機咋~~~

不過大細唔緊要... 最緊要平平安安~~~


下午3點幾起飛

班機大約得十幾個搭客咋~~~

坐得好舒服~~~ 涼粉子一貫做法...

飛機未起飛就訓到豬咁了~~~~

機程大約1個半小時~~~~


落機直接的士番酒店~~~


抖一陣就喺酒店餐廳食個晚飯~~



因為比較早...

涼粉子就係餐廳呢晚第一個客人了~~~


餐前麵包...

咪睇個麵包個樣乾爭爭.... 其實佢真係外脆內軟架~!!

平時麻麻地麵包嘅涼粉子都覺得好好味~~~

如果麵包精涼粉媽見到... 一定食到唔停好呀~~!!


頭盤...

海鮮周打湯~~~

好似好多年冇飲呢個湯了~~ 唔記得入面係真係咁多海鮮~~

沉底嘅海鮮有青口, 三文魚, 鱈魚, 蝦, 帶子, 魷魚....

好好味啵~!!!

搵日有力整涼粉家西餐... 如果買得齊材料就一於整佢比陳大少試吓先~!!!!!

湯好大碗..又足料....

飲左已經..............飽~~!!


主菜: DOUBLE ROASTED DUCK WITH JULIENNE VEG AND JASMINE RICE

就叫佢做回鍋鴨啦~~~

果然係有半隻鴨囉~!!

(都唔知係DUBLIN呢度食物份量大定係呢間餐廳係咁~~~)

估唔到佢仲有粗薯條同埋焗甘荀+PARSNIP

梗係......................食唔唒啦~~~~ 

淨係食左鴨同埋底下啲菜同埋甘荀咋~~~~


雖然.... 飽...

但係甜品黎到...

諗住點都食兩啖啦~~~

嘩... 個朱古力蛋糕暖笠笠又唔甜~!!! 

好好味啵~!!

再加埋凍冰冰雪糕...

雪糕半溶再配蛋糕~!!

超好味呀呀呀呀呀~~~~~~

(真係好難唔肥囉~~哈哈~~)


食飽飽出左酒店外行左幾個圈~~

番到房間又係時候洗白白做個MASK~~

平時買護膚品好多時都會有試用裝或者係旅行裝送......

涼粉家好易會儲儲埋埋好多...(其實應該好多女仔都係咁嘅~~嘻嘻~~)

呢個MALIN + GOETZ嘅西柚洗面GEL... 好勁~!! 真係有即時明顯亮白效果架~!!

洗完面面搽左保濕精華素 (呢排用緊EVE LOM的INTENSE HYDRATION SERUM, 覺得好好用~!!!! 好吸收~~) 

就係時候做個SLEEP MASK, 其實涼粉子買買埋埋唔少SLEEP MASK..

但係真係好少做...

又怕整到頭髮又怕整到枕頭~~~

不過反正出差慣左朝早起身第一件事係洗頭洗白白.. 就冇咩所謂啦~!!

一份錢一份貨係真的...

平時保濕保濕做得算足 (呢排轉天氣更加真係唔敢懶~~~)

但係可能都係唔夠潤... 呢個LA PRAIRIE的SLEEP MASK 真係好潤~~!!

不過佢價錢一定唔可愛架喇~~~ 睇吓佢聖誕節有冇咩令人難以抗拒嘅優惠啦啦啦~~~ 

(不過提提自己... 真係要勤力啲清唒屋企啲存貨呀呀呀~!!!)


酒店早餐...

唔係自助的...


如果係自助涼粉子會夾多啲蘑菇同埋番茄丫嘛~~~~

食飽飽就係時候開會了~!!!


開完會去機場..... 大把時間行吓食個LUNCH...

唔知食咩好...

叫左個水牛雞翼..............

份量大得呢~!!!!

不過真係好好味~!!!


 食飽飽恰眼訓~~ (但係又未夠鐘上機喎...)

又係時候買杯咖啡黎飲~~~ (呢排咖啡癮發作呀~!!)

STARBUCKS的DUBLIN杯.... 唔靚的~!! 


係時候上機了~!!


機仔細細真係幾可愛~!!

呢班番倫敦嘅機..... 竟然係坐滿人架~!!!!! 

真係估佢唔到丫~!!!


4 則留言:

  1. City Airport 其實很不錯, 人較少, 過關過 security 很 efficient 啊.

    回覆刪除
    回覆
    1. 係呀... 同埋近屋企呀.. 唔洗去GATWICK/HEATHROW 方便好多~~

      刪除
  2. 涼粉子:
    ~嘩... 要搭飛機喇~~!!------->依句有啲扁意成份!! 哈哈~~
    ~係外國, 坐飛機好自律, print boarding pass, luggage tag, 全是自己動手.

    回覆刪除
    回覆
    1. 陳大少成日都笑我架喇~~ 我都慣左嚕~~呵呵~~

      同埋呢.. 你講起自律.. 呢度差唔多間間超市都有SELF CHECKOUT... 真係要信任同自律架~~ :)

      刪除