:+:大豆芽炒雞心(附食譜):+涼粉家晚餐(04.11.2014)

早排先同朋友仔講起喺倫敦唔多覺眼有大豆芽賣... 點知...

就比涼粉子喺韓超HMART發現大豆芽嘅蹤影了~!!

本身想煮大豆芽鬆的...

不過買得一包大豆芽又好似唔夠~!! 一於留番下次買多啲先整啦~!!!





之前陳大少好鍾意食雞腎呀.. 鴨腎呀咁~~

不過自從上次食過雞心後... 佢話雞心好味好多~~

(涼粉子小時候喺香港時... 涼粉媽整白切雞.... 我就一定會入去廚房偷左粒心黎食~~ 呵~ )

所以都少買左腎... 但係雞心好多地方有賣~~!!

(係啦係啦.. 食太多內臟唔好丫嘛~~~ 我知我知~~ :P )

去開HMART見到有.. 就梗係要入貨啦~!!

今次呢個餸冇用唒成包雞心啦~~

其他的比左少少卡卡.. 同埋留左啲要黎整鹵水... 之後又可轉做麻辣~~

材料及做法:

雞心 - 大約150克~

雞心用薑片+米酒+ 鹽汆水~

洗淨隔水~

雞心加入生抽+鹽+糖+胡椒粉拌勻~

醃最少10分鐘~

大豆芽 - 大約500克

蒜片 + 薑粒 - 大約各半湯匙

凍鍋凍油加入薑蒜中大火爆香~

加入雞心炒至乾身~

加入大豆芽加少少鹽+胡椒粉炒至比較乾身~

鍋邊加入一茶匙紹興酒~

加少少水+ 蒜鹽~

炒至收汁即可~

香噴噴:+:大豆芽炒雞心:+:就完成了~~

開飯了~~

是日涼粉家晚餐:

 :+:大豆芽炒雞心:+:

:+:脆脆蒜片辣羊肩:+:

韓超泡小青瓜 (HMART出品)

:+:雜菜牛骨湯:+: